Osmoniyə surəon-280
Osmoniyə surəon-280
Leyli mıborəkə surə de bə şəv iyən bəçəy toykiyəti iyən bə ruj və bəçəy ruşinəti ğəssəm hardey, bə xılğəti dınyo zevciyyət və qitəti iyən bəçəy cinsiyyəti işorə kardedə və hamyedə:”və ğəssəm bə əkəsi ki,merd iyən jenə cinsış ofəyə”.(3).
Zevciyyəti ğanun çı Kərimə-Ğıroni ecozamizə vıronkuye.çıro ki,inson,heyvon iyən beməyon aləmədə çın dıqlə vucudi bıey və çəvon nutfə zəmoniku de tosə təvəlludi zəmoni bıə təhəvvul və əvəzon və çın dıqlə cinsi bəştə mıtonosib fəoliyyətonədə bıə xısləton rəğmən,qırd ımon xılğəti dıjdə dınyoku ilahi nışonəonin və deçəy ro vositə əvoni ofəyə xalıği əzəməti dərk kardey bəzıneyn.
Leyli mıborəkə surə 5-ə şərifə ayə milləti bə dıqlə dastə təğsım kardedə:deştə çokə əməlon Xıdo royədə infoğ iyən baxş kardə və təğva royədə hərəkət kardə kəson.Xıdovənde-Aləm jıqo insonon hostonə məsir və royədə ğərol doydə və əvoni bə əbədiyə vəhışti səmt hidoyə kardedə. çımon mığobilədə pəxıləti kardə iyən ilahi əcr və səvobi inkor kardə kəson.əvon saxt və çətinə royədə ğərol qəteydən və bın zəmon bə cəhəndım suğut bəkardeyn və çəvon cəm kardə mol-əmvoli həm boəvon hiç qıləy foydəş nibəbe.nə əvon ın mol və sərvəton deştə çın dınyoku bardey zıneydən və nə ehanə həm bardey həm bızınon,ım bəçəvon bə cəhəndımi otəşi dılə eqıniye iyən suğuti boyis nibəbe.umumən bo ın beimonə pəxılon qıləy çokə ko bə vırə rosney, məxsusən xıdo royədə infoğ və baxş kardey vey saxt və çətine.qıləy holədə ki,ım ko bo iminə qrup və dastə vey rohət və bəçəvon əhvol-ruhiyyə bəpe bıey boyis bedə........
Leyli mıborəkə surə 12-ə şərifə ayə bımi işorə kardedə ki,insonon hidoyət kardey ko bəçəmə ehdəy.ilahi hidoyət bın dınyoədə bə həmmə mevcudaton şomil bedə və inson Xıdo hidoyəti nışonəon əsəri həmonə mevcudatonədə mışohidə kardey bəzıne ki,çokonə aləmon pərvərdıqor əvoni de qıləy məxsusə dığğət və nəzmi və bəçəvon zərfiyyəti mıtonosib hidoyət və rəhbərəti kardedə.qıləy donə və tum zəminədə dılədə ğərol qəteydə və de aləmon pərvrədıqori hidoyəti vositə ıştə royədə de qıləy dəğiğə nəzm və hisobi ruşd kardedə,ozavziyedə və boəy təyin bıə bə kəmoli rəseydə.qırd xılğəti ofəyə Xıdo insonış həm jələvoni hidoyətış kardə iyən bəy roş nışon doə və bəştə vocib kardə və lozımış zınə ki,roy bəy nışon bıdo və əy bə məğsəd bırosno. həlbəttə,de ım şərti ki,insoni ıştən bıpyişe ki.bın baxtəvərəti iyən hərəbaxtəti royədə hərəkətko.
