Osmoniyə surəon-287

Osmoniyə surəon-287

Kərimə-Ğıroni nəve haftminə surə Ğədri mıborəkə surəy,Məkkədə nozil blıə və 5 qılə ayəku iborəte.bə Kərimə-Ğıroni co surəon əks ki,umumən çandə nev mətləbonış heste,ın surə bə iyande anqıle və kulliyə formaədə Ğədri mıborəkə şəvədə Kərimə-Ğıroni nozil bıeyku sıxan votedə.peşo Ğədrə şəvi əhəmiyyəti həxədə iyən bərəkəton və təsiron bəyon kardedə.Ğədri mıborəkə surə iminə şərifə ayə bə osmoni dıjdə kitob bıə Ğıroni işorə kardedə və Xıdovənde-Xalığ çəy nozil bıey bəştə nisbət doydə və hamyedə:”əmə əy(Ğıronro) Ğədrə şəvi nozil kardemone”.

Ğədri surə Kərimə-Ğıroni Ğədrə şəvi və Rəməzonə manqi enovniye bıeyku qəp jeydə,bəyon kardedə və çə həmonə şəvi de ihəzo şəvi erj və ğeymətədə bıey elon kardedə.bə Kərimə-Ğıroni ayəon əsos,ım kitob dıqlə surət və formadə enovniyə bıə.bə ikərə və tədrici surətədə.

İminə mərhələdə Kərimə-Ğıron kulli iyən bə ikərə Ğədrə şəvi bə Peyğombəre-Əkərmi(s)  nozil bıə.dıminə mərhələdə tədrici nozil bıey,Kərimə-Ğıroni,Ğıroni ləfz iyən kəlməon və çəy qırd cuziyyaton tədricən iyən de mıxtəlifə mınosibəton bə Peyğombəre-Əkrəmi(s) nozil bıə.Ğıroni enovney 23 sori ərzədə tədrici formaədə nozil bıə.

Kərimə-Ğıroni Ğədrə şəvi enovney,bə çın dıjdə osmoni kitobi tale həlləkə bıey coqləyni dəlile. İlahi  yolə mecuzə bıə Kərimə-Ğıron,bo hərəbaxtə jimoniro həmməysə barzə ro nışon doə  kitobe və əv de barzə maarif iyən elmon bə icoye ki,ehanə dınyo milləton bəy əməlkon, ovdonəti,inkişof,səbarzəti iyən əzəmət bəvon nəsib bəbe.

Ğədri surə qıləy şəve ki, Kərimə-Ğıron bəvədə nozil bıə,əve ın surə de ın nomi nom noey bıə. Ğədriku murad və məğsəd təğdir iyən əndozə qəteye.liza,Ğədrə şəvış əndozə və mığdor qətey mənoədə nomış noə.Xıdovənde-Xalığ həmonə şəvi hodisəonış i sor yəni həmonə şəviku de tosə peşonə omə sori təğdır kardedə və jimon,maq,rızğo-ruzi,hərəbaxtəti,şəğovət bənə ımi bıə co çiyon mığdori təyin kardedə.Ğədrə şəvi erj iyən ğeyməti həxədə ımi votey bəbe ki,çı həzo sorisə barz və bəpeye.rəvoyətədə omə ki,Ğədrə şəvi əməl(və ibodət) bəvədə Ğədrə şəv nıbə həzo manqi əməlisə vey çoke.Ğədrə şəvi surəon ayəon həmonə şəvi muminon bə Xıdo ibodət və bandəçəti səmt dəvət kardedə və çı Xıdovəndi məxsusə lutfon bə insoni yod dənoydə ki, çokonə bo islomi peyğombəri(s) umməti qıləy çokə fırsətış hozzı kardə ki,iqlə şəvi ibodəti  səvob iyən mıkofot,ihəzo manqe ki,ım həm çı insoni umri mığobilədəy