Osmoniyə surəon-289

Osmoniyə surəon-289

İslomi peyğombər(s)-i zuhuri bənav,əhli-kitobiku bıə kofiron iyən mışrikon votedəbin ki,ehanə de ruşinə dəlilon qıləy peyğombər boəvon booy iyən de erjinə nıvştəyon pur bıə qıləy pok iyən ğoymə səyfə boəvon nozil bıbu,əvon həm ıştə de şırki umuj qıniyə ayiniku dast bəkəşeyn və həmonə omə dini ğəbul bəkardeyn.əmmo,həzrəte Muhəmməd(s)-i zuhuri iyən osmoniyə kitob Kərimə-Ğıroni nozil bıey bədiqə,xatəm iyən oxonə peyğombər(s) iyən çəy qlobal və bo umum dınyo bıə dəvətışon ğəbul nıkarde və ə həzrətışon inkor karde.Bəyyinə mıborəkə surə ayəon bəvon xitob kardedə və əvoni mızəmmət kardedə.joqo ki,hamyedə:boçi şımə bın nuyə ayinədə ixtilofon karde,şıməku bəziyon mumin iyən kali qıləyni həm kofir biyon.qıləy holədə ki,islomi ayinədə bəvon qıləy təlimot doey bıəni.illa ki,əvon Xıdo pərəstışkon,ıştə dini bo Xıdo xoto xoliskənən və çı şırkiku bə tohidi səmt oqardənən,nımoji bərpokənən və zəkoti pərdaxtkənən iyən bıdənən......

Bə Kərimə-Ğıroni ayəon əsos,çı peyğombəron xatəm iyən oxonə qıləyni bıə həzrəte Muhəmməd bin Əbdullah(s)-i risolət və missiyə,bo umum əhli-kitob iyən mışrikon təsdığ bıə. Ğıron ziyodə ayəonədə həmmə milləti de bənə “ya əyyuhən-nas”(ha məxloğ ha!) və ya “ Ya bəni-Adəm” yəni ha Odəmi fərzəndon ha xitob kardedə və ıştə hidoyəti bə qırd insonon şomil zıneydə.

Bə torıxi sənədon əsos,İslomi peyğombər(s) bənə Romə ğeysər və imperatori,İroni podşo və Misr,Həbəşə ya Efyopiyə və Şamati bıə hukmdoron və həmçinin bə ərəbi mıxtəlifə ğəbiləon yolon noməonış nıvışte və əvonış bə mığəddəsə islomi dini səmt dəvətış karde.

Peyğombər(s) bə kişvər iyən məmləkəton yolon nomə vığandə iyən deəvon huccəti təmom kardə zəmonədə,Bəyyinə mıborəkə surə nozil be.de ın tərtibi elon be ki,Kərimə-Ğıron və islomi –peyğombər(s) çımi bədiqə bə mıxolifon huccəti təmom be,ısət çı əhli-kitob bıbu ya mışrikon. əmmo,çəvon əksəriyyət həxı zıne-zıne ijən imonışon nıvarde və çın koyku iştinobışon karde. Bəyyinə mıborəkə surə 6 iyən 7-ə ayəon ə dastə əhli-kitobi ki,çı dəlili omey bədiqə,ijən ıştə kanə ayinədə mandən  və bə islomi –peyğombər(s)-i kufrışon karde və deştə ağl iyən vəhyi mıxolifət kardey xoto,de əzobi təhdid kardedə və əvoni həmməysə yavə və bevəcə məxloğ hisob kardedə.həmçinin ə dastə ki,bə islomi –peyğombər(s)-i imonışon vardə və peşo salehə əməlonışon bə vırə rosnə,həmməysə çokə məxloğat hisobış kardə və bəvon vəhışt iyən Xıdo roziyəti mıjdəvoni iyən bəşorətış doə.

Xəy iyən şər dıqlə cərəyononin ki,hejo iyande mığobilədə mandən və bə iyande ələyh bıən.torıxi dırozi həxı tərəfdoron çı “xəyrul-bəriyyə” simvol(həmməysə çokə) və çı ğeyri-həx iyən botıli tərəfdoron çı şeytənət və “şərrul-bəriyyə”(həmməysə yavə)məxloğati simvol zıney bedə. Bəyyinə mıborəkə surə 6 iyən 7-ə ayəonədə çın dıqlə cərəyoni(xeyrul-bəriyyə və şərrul-bəriyyə) fiki iyən ideoloji sıxan  bə miyon omə və bə çın dıqlə mumin iyən kofirə dastə işorə və çımon xısusiyyəton bəyon kardə bıə.