Osmoniyə surəon-294

Osmoniyə surəon-294

Ğariyə mıborəkə surə Kərimə-Ğıroni sa iminə surəy.ın surə peyğombər(s)-i hicrəti bənav Məkkədə nozil bıə və 11 qılə ayəu iborəte.

Ğariyə ekkuye və hırd kardey mənoədəy və bın surədə çəyku məğsəd həm,ğıyoməti ruje ki, həmmə osmoni kurəon iyən hestemoni dınyo bəyənde ekkuye və viron bəbeyn və qıləy co dınyo bə əməl bome.

Ğariyə mıborəkə surə kulliyə surətədə çı miad iyən çəy mığəddiməku sıxcan votedə və peşo de oşko iyən məlumə təbiron insonon bə dıqlə dastə təğsım kardedə: ilahi ədolətinə məhkəmə tavzoədə çəvon əməlon sanqin bıə kəson dastə ki,çəvon mıkofot həmonə dınyo jimonədə de asayişi pure və əvon de Xıdovəndi  rəhməti hamusəyn.coqləyni dastə əvonin ki,tavzoədə çəvon çokə əməlon kame   və əvoni tatə otəş iyən vəş qətə cəhəndım çəş kardedə. 

İmom Sadığ(ə-iku çı mizoni həxədə dəparseyşone.ə həzrəti jıqo cəvobış doe:”tavzo həmonə ədoləti pamueye”.

Çun,qırd çok və salehə əməlon i nin və deiyande ziyodə tafutışon heste.rəvoyətədə idastə xeyə əməlon sape vey təkid bıə və əvonış çı ğıyoməti ruji əməli mizoni sanqinəti səbəbon hisobışon kardə.”əmmo əkəs ki,əməlon tavzoon sanqine,əv de nemət iyən oroməti pur bıə qıləy jimonədə bəbe”.(6-7).ım jimonanədə rizoyət baxşe ki,jıqo bızın ıştən roziye və ım dıjdə imtiyoz bə axırəti jimoni məxsuse.boçi ki,dınyo jimon çanədə həm de neməton.əmniyyəti,rizoyəti iyən oroməti pur həm bıbu,ijən çı bə xoş nıomə amilonku xali və təyli ni.fəğət axırəti ruji jimone ki,qırd de roziyəti iyən əmniyəti pure.