Osmoniyə surəon-295
Osmoniyə surəon-295
Osmoniyə surəon-295
Təkasuri mıborəkə surə Kərimə-Ğıroni sa dıminə surəy,Məkkədə nozil bıə və 8 qılə ayəku iborəte.ın surə bə fərdon mızəmmət və tanə jıey işorə kardedə ki,bə çandə qılə mevhumə fiki əsos de iyande iftixor kardedəbin.həmçinin çı miad,ğıyomət və nemətonku sıvol-cəvobi barədə bıə bəhson bın surədə bıə mevzuonkuye.surə nom həm çın surə iminə ayəku peqətə bıə.
Cohiliyyəti əsr və zəmoni xısusiyyətonku qıləyni,bə iyənde fəxr iyən iftixor kardey be.bə zəmono kali ğəbilə və toyfəon iyande miyono deştə cəmyəti,deştə mol-əmvoli və sərvəti iftixor kardedəbin və vəzyət bə vırə rəse ki,əvon hətto deştə ğəbilə ğəbıstoni nəfəron həm iftixor kardedəbin və əyo şeydəbin və deştə bımyon ədədi aşmarde,deəvin fəxr kardedəbin.
Təkasuri mıborəkə surə sıftənə dıqlə ayədə omə:”şımə ziyodə tələb kardey(və təfaxur) deştəş məşğul kardə.de tosə əvrə ki,bə ğəbon vindemon şin (və ıştə bımyon ğəbon aşmardeydəbin və deəvon iftixor kardedəbin)”.Əli(ə) ın ayəon tilovəti bədiqə hamyeşe:”əcəba! Çanədə vey diyəroə hədəfiş və çanədə ziyorətkəyon ğafilin.və çanədə movhum iyən dardnokiş.bə pıxə astəon yod dəşe ki,çandə dırozə soron xokə bıən,əv həm çokonə bə yod dənoey!de ın dırozə fosilə ki,bə əkəson yodə dəşe ki,boçəvon holi hiç qıləy foydəş nıbe.aya deştə pıon məhf bıə vıron iftixor kardedən? və ya deştə bımyon mığdori aşmardey,ıştəni ziyod hisob kardedən?əm pıxə cəsədon ehanə bə ibrəti boyis bıbon,vey loyığe,nəyinki, bə iftixori boyis bıbu.....
Təkasur “kəsrəti” maddəkuye və çı sərvəti ziyod kardeyədə rəğobət iyən fəxr kardey mənoədəy. çı təfaxur iyən təkasuri əsliyə amilonku qıləyni,bə ilahi cəzo və mıkofoti iyən miadi imon nıbey, cəhl iyən nodonətiye.çımisə əlovə insoni bəştə zəyifəti iyən zərəl ğəbul kardey bıə cəholət və həmçinin çəy ıştə bə əməl omeyku iyən ıştə ağıbətiku xəbəş nıbey,çın kibr və məğrurəti amilonkuye.bə həmonə dəlili xoto,Məcidə-Ğıron bo ın təfaxuri darıştey xoto,navkonə ğovm və etnoson sərquzəşton mıxtəlifə ayəonədə bəhs kardedə və bə yod dənoydə ki,çokonə həmonə ğovmon deştə ziyodə ğudrət və imkonaton,de qıləy sodə metodi bənə qıləy tufoni, avəğurrə, buməlarzə icod kardey və ya de ovəyz vardə voşon voye məhf bin və çı miyoniku şiin.çın fəxr kardey coqləyni amil,həmonə məğlubiyyəton zəyfəti iyən həğorəti hisse və əvon boəy puşnero bə iftixor iyən fəxr kardey soyəx şedən.liza,İmom Sadığ(ə)-iku qıləy hədisədə omə:”hiçkəs təkəbbır iyən fəxr kardeydəni illa bə qıləy zılləti xotoye ki,ıştə nəfsədə vindedə”.liza,fərdon çoko ki,hiss kardedən bə kəmoli həddi rəsən,həni bə fəxr və təfaxuri ehtiyoci vindedənin
