Mərkəzi Asiyə

Mərkəzi Asiyə

Az.R milli məclisi nımoyəndəon de zəmoniku bənav vıjndemoni dəvordıney iyən struktur islohati hədəfi çın kişvəri məclisi vadoe ıştə mıvofiğətışon nışon doe.

Milli məclisi vadoe plani nışon doey və de hakim “Nuyə Azə.partiyə vositə  zəmoniku bənav parlamenti vıjndemoni dəvordıney,Az.R milli məclisi tərəfiku ın plan ğəbul be.bə Az.R əsosə ğanuni əsos çın kişvəri prezdenti tərəfiku parlamenti vıjnemoni bərpo bıey barədə ğanun ğəbul be.

Az.R milli məclisi 125 qılə deputatış heste və Az.R hakim “Nuyə Az. Partiyə yap çın kişvəri məclisi əksəriyyəti kursiş ıştə inhisorədə oqətəşe.təbiiye ki,Boku devləti dəvardə çandə soron Milli Məclisədə nəzədə qətə ğanun,hejo təsvib və icro bıə.qıləy holədə ki,çımi bənav hakim “Nuyə Az. Partiyə” (yap) ponə sori bə İlham Əliyevi devləti mıxolifon vaxtiku bənav parlamenti vıjndemoni dəvordıney tələbışon rədd kardəbe.

Bə Az.R Konstusiyə maddəon əsos,ğərol be milli məcilsi vıjnemon 2020-ə sori noyabrə manqədə bərpo bıbu,əmmo bə İlham Əliyevi nışon doə plani əsos,Boku devlət  çın kişvəri milli məclisi səçını zəmonış çı noyabrə manqiku bə fevralə manqi əvəzış karde.

Votey bedə Boku devləti rəsmi şəxson  bın fikədə ki,Ğazaxıstonədə bıə Nursultan Nəzərbəyovi hukuməti modeli Az. R-ədə icrokon.bəçımi əsos ehtimolən İlham Əliyev de qıləy məxsusə ləğəbi ğəbul kardey,Boku devlətədə qıləy məxsusə məğam və titul ğəbul bəkarde və çəy bədiqə çəy jimoni həmro Mehriban Əliyev ki,ısət holı-hozırədə vitse-prezdent və olempiya milli komitə  rəyisətiş bə ehdəş peqətə,çəy vırədə ğərol bəqəte.kali azəri mrkəzon həm bın zəminədə elonışon kardə ki,Boku devləti ğəsdış heste bənə Rusiyə devləti yəni Vladimir Putini  de Dmitri  Medvedovi  rabitə yəni prezdendəti de iminə vəzirəti posti bo iyande əvəzkon və ha holədə oşkooə çi ıme ki,Az. R ayəndə və vəomə devlətədə,həmçinin çın kişvəri seqlə ğıvvədə  bə nəzə rəseydə ni ki,Boku devləti mıxolifon qıləy səhmışon bıbu.