Osmoniyə surəon-305

Osmoniyə surəon-305

Kovsəri qıləy komil iyən hevujə mənoş heste və əv həm ziyodə xey-bərəkət mənoədəy. əmmo, veyə dini alimon iyən mıfəssıron çəy həmməysə oşkoə nımunə həzrəte Fatiməye-Zəhro(s)-şon zınə.qıləy buzurquvar və yolə banu ki,çı bazrə kəmolat və əxloği səciyyəon soybe və İslomi pevolo bıeyədə qıləy təsirəkə rolış bıə.qıləy xanım ki,de Peyğombər(s)-i təbiri çı dıqlə aləmi sərvər və xanıme.

Bəziyon Kovsərışon bə nıbuvvəti təfsırışon kardə və coqləyniyon həm bə Ğıroni və kali qıləyniyon həm bə fərzəndon iyən zurriyyəon ziyodəti təfsır bıə ki,qırd ımon çə həzrəti kinə həzrəte Fatiməye-Zəhro(s) nəsliju bə vucud omə.qıləy nəsl ki,əvon nəyinki,çı peyğombər(s)-i fərzənd bıən,bəlkəm əvon çı islomi qırd erjon iyən ayinonışon muhafizə kardə və bə vəomə nəsli rosnəşone.

Əhlı-sınnəti  məşhurə mıfəssır Fəxr Razi,ıştə Kəbir təfsırədə jıqo votedə:” kovsəri məno əve ki,Xıdovənd bəy(bə peyğombəri)qıləy nəsl doydə ki,zəmoni dırozi baği bəmande.bənə Bağır(ə),Sadığ(ə) iyən Rıza(ə)-i bıə çı Fatimə(s) nəsliku bərəkətinə nəslisə barzə nəsl kom mevcude.deməkə ki,çı Fatimə(s) nəsliku bıə fərzəndon torxıi dırozi məxsusən Bəni-Uməyyə iyən Bəni-Əbbosi zolımə hukuməton devronədə şəhid kardeşone.əmmo,ijən ımruj islomi kişvəron əksəronədə pevolo bıən,ım qıləy holədəy ki,Bəni-Uməyyəku dınyoədə qıləy zikr bıəninə şəxson baği mandəni...