Osmoniyə surəon-307

Osmoniyə surəon-307

“Vuji:ha kofiron ha!mı şımə pərəstış kardə çi ibodət kardedənim.və şımə həm çımı pərəstış kardə çiyon pərəstış kardedəniyon və nə az şımə pərəstış kardə çiyon pərəstış bəkardem və nə şımə çımı pərəstış kardə çiyon pərəstış bəkayon.(ısət ki,jıqoe)şımə ayin boşımə,çımı din (həm) bomıye”.....

Bın surədə çı mışrikon ibdoət iyən pərəstış kardə çiyonku bezo bıey və bə diyəro mandey,tikror bıə ta de ruşinə formə tohidi xət çı şırki xəttiku co bıbu və mışrikon çı mısılmınon təslim bıeyku noumu və məyus bıbon.Peyğombər(s)-i  mənzur və məğsədış ım be ki,Ğureyş bızıno ki, mısılmınon hiçvaxti bə şırk iyən bıtpərəstəti səmt dim nibəqəteyn və mışrikon həm bəştə inodkorəti iyən bəştə dədə-bobon kur-kuronə şikilədə təğlıd kardey xoto,həmçinin bəçəvon bıtprəstətiku bə dast omə mənfəəton xoto,bo həmonə şırki ayini tərk kardey iyən bo Xıdopərəstəti dini ğəbul kardey hozzı nibəbeyn.

Həyğətədə,Peyğombər(s) çı tohidi de şırki miyono saziş iyən aşti kardey ğeyri-mumkin zıneydə və ijən bıtpərəston de mısılmınon saziş basteyku məyus kardey xoto,təkid kardedən ki,” və nə mı hiçvaxti şımə pərəstış kardə çiyon pərəstış kardedənim və nə şımə çımı pərəstış kardə çiyon pərəstış kardedon”.

Kərimə-Ğıroni istilohədə şırkiku murad və məğsəd  bo Xıdovənde-Aləmi qıləy şərik,misl iyən həmto ğərol doeye və çun tohidi dini tərəfdoron çı şırkiku dimışon qordınə və bo Xalığ,hikməti soyb iyən tədbirəkə Xıdo hiç qıləy misl və həmto şərik ğərol doydənin,əve əvon şırki qıləy yolə zəlolət hisob kardedən ki,əy baxşey həm mumkin ni.....

Peyğombər(s)-i tərəfiku bıton ibodəti nəfy və inkor kardey və çı mışrikon tərəfiku Xıdo ibodəti təkzib kardey tikror kardey,bımi təkide ki,çəvon ro çı islomi royku coye.ın məsələ çı tohidi de şırki ayini miyono sazişi nıbey  ruşin iyən oşko kardedə.çın surə oxonə ayə bə ın nuktə işorə kardedə ısət ki jıqoe,şımə ayin və din boşımə və çımı din həm bomıye.həlbəttə,şımə ıştə ın kardə koy ağlıbəti həm rəyrə bəvindeyon.

Peyğombər(s)-i ın mığovimət bo həmmə mısılmınone ki,hiç qıləy şərayitədə islomi dini piyo  de deşımınon saziş nıkon və havaxti çəvon tərəfiku jıqo qıləy bemənoə tələb bə əməl ome,hətto tikror bıə holədə sıst və lır nıbon və ıştə mevğıyyəti de ğətiyyəti elonkon ta əvon məyus bıbon və ıştə koyku dast bıkəşon.coqlə nuktə ıme ki,çı mısılmınon məbud qıləy vohidə Xıdoye və çəy mislış ni.fəğət əv bəpe pərəstış bıbu və fəğət əv bə ibodəti loyığe və bın surətədə inson bə qıləy dayimi baxtəvərəti dast pəydu bəkarde.

Nəsr  ya Məsədi mıborəkə surə Kərimə-Ğıroni sa daminə mıborəkə surəy.ın surə Mədinədə nozil bıə və 3 qılə ayəku iborəte.

“Qıləy zəmon ki,Xıdo komək və ğələbə ome rəse.və bəvindeyş millət dastə-dastə bə Xıdo dini daxil beydən.çən,(bə ın neməti şık kardeyro)bəştə pərvərdıqori  təsbih və həmdkə və çəyku məğfırət tələbkə ki,əv vey tobə ğəbuləkəy”.(1-3).....

Məkkə mışrikə millət islomi-peyğombər(s)-i həddiku ziyodə bə əzob-əziyyəti məruz haştəbe.ə həzrət həm noçor be oxoyədə ıştə vətən və moəku bıə vırə yəni Məkkə şəhri tərkko və bə Mədinə muhacirətko və əyo jimonko.əmmo,Xıdo-Rəsul(s) həmişə əruji çəş kardedəbe ki,ijən bə Məkkə oqardo ta Nəsri mıborəkə surə nozil be və qıləy muhimmə səbarzəti iyən ğələbəku mıjdəvoniş doe.Peyğombər(s)-i çı Xıdovəndi ım naviku doə xəbəku vey xoşhol və şo be və cərəyonış bə mısılmınon xəbəş doe.həmə mısılmınon şo və xoşhol bin və besəbrəti iyən de dastpoçəti çə həmonə torıxi ruji bə həyğət rəsey intizorədə bin.tayin ki,Hicri-Ğəməri həştminə sori Xıdovəndi tərəfiku  çı mısılmınon bə Məkkə səmt hərəkəti əmr və fərmon sadir be.de mıslmınon ın ləşkərkəşey  Məkkə şəhr fəth be və jıləvoni çı Xıdovəndi tərəfiku Nəsri mıborəkə bə peyğombər(s)-i mıjdəvoni doey bıə fəth iyən səbarzəti mıjdəvoni həyğətən bə əməl ome. Ğıroni ın macəra naviku xəbə doey,çı Kərimə-Ğıroni ecoz və mecuzəonku bə hisob omeydə.