Sıə Irfon-4
Sıə Irfon-4
Sıə Irfon-4
Şəhidi bard bəhs bıə mevzuonku qıləyni həm ıme ki,aya dini nəzəku şəhodət qıləy erjinə koye və Xıdo ıştə dərqoyədə çəyku roziye ya xeyr?de qıləy co iborəti aya şəhodət insoni bə oxonə kəmoli rosnə və əy bə həmonə roy nez kardə qıləy roye yaanki,çımi əks çı həlokəti roye və çı cokəsi kıştey cərqədə ğərolış qətə?
Bo ın sıvoli cəvob doeyro sıftədə bə Kərimə-Ğıroni ovard kardedəmon və çın mevzu həxədə Ğıroni ayəonədə tətğiğod bardedəmon.joqo ki,Ali-İmrani mıborəkə surə 157-ə şərifə ayədə ın həyğəti bəyon kardedə ki,Xıdo royədə şəhodət bə Xıdovəndi nez bıey və bə insoni oxonə kəmoli boyis bəbe ki,ım çı insoni xılğəti dayimiyə hədəf bıə.Xıdovənde-Xalığ bın şərifə ayədə hamyedə: ”və ləyin….ehanə şımə Xıdo royədə kıştey bıbon ya bımardon,bə Xıdo məğfırət və rəhməti bərəsiyon ki,ım çı(kofiron)cəm kardə qırd çiyonku vey çoke”.
In şərifə ayə şəhodəti bə İlahi rəhmət və məğfırəti vusul iyən rəsey səbəb zıneydə.qıləy məğfırət ki,Xıdovəndi əvış boçəy ibodətiro vocibış kardə.şəhodət həm Xıdovəndi itoəti isboti barzə noxtə və pik hədd məhsub beydə.qıləy itoət ki,de ıştə coni fido kardey bə əməl omeydə…..
Nisa mıborəkə surə 74-ə şərifə ayədə həm bəyon kardedə ki,şəhodət qıləy əməle ki,çəy qıləy yolə səvobış heste.Kərimə-Ğıron kamə əməlon həxədə jıqo qıləy təbiriku oko doə və ım mislış nıbə səvob iyən əcr çı şəhodəti koy vey erjin bıey nışon doydə.Xıdovənde-Aləm bın ayədə hamyedə:”və mən yuğatilu…..və əkəs ki,Xıdo royədə canqko və kıştey bıbu ya səbarz bıbu,bəy qıləy yolə səvob bədomon”.
Bın şərifə ayə əsos,Xıdo royədə cihodi ko nəhoyətən de dıqlə pəsəndidə və bə xoş omə koy orəxeydə ki,qıləyni Xıdo royədə kıştey və coqləyni bə Xıdo deşmıni ğalib omeye ki,har dıqlə holədə bo Xıdo royədə mıcohidət kardə kəsi yolə yolə əcr və səvobon mevcud bəbe.bın ayədə Xıdo royədə kıştey bəsə bə deşmıni səbarzətisə bənav omə.çıro ki,Xıdo royədə kıştə bıey səvob əbədi və sabite.qıləy ğalib və səbarzə canqəvəri harçənd ki,qıləy yolə əcrış heste,əmmo mumkine bəçəy mırtəkib bıə qıno xoto,bə hədər bışo və zay bıbu.əmmo,Xıdo royədə kıştə bıə kəs çun bə qıləy əbədi iyən uxrəviyə jimoni daxil beydə,əve əyo dayimi iyən sabitə formədə bəmande…..
Kərimə-Ğıroni Muhəmməd(s) surə 4 de tosə 6-ə şərifə ayonədə Xıdo royədə kıştə bıey barədə sıxan votedə və bəvon hidoyət,çəvon əməli isloh kardey iyən əvoni bə vəhış daxil kardey və`dəş doə.Xıdovənde-Xalığ bın şərifə ayəonədə jıqo hamyedə:”vəlləzinə ğutilu….və əkəson ki,Xıdo royədə kıştey beydən,Xıdovənd hiçvaxti çəvon əməlon miyoniku nibəbarde,bəlkəm rəyrə əvoni hidoyət və çəvon koon isloh bəkarde və əvoni bə vəhışt varid bəkarde ki,çəy vəsfon boəvon vəsfış kardə”.
Qıləy zəmon ki,ın ayə bə Ali-İmrani 169-ə ayə yəni bə ..və la təhsəbənnə …..əlovəkəmon,məlum bəbe ki,Xıdo royədə kıştə bıə kəson ”islah baliku” murad və məğsəd,əvoni de qıləy nuyə pok və təyyibə jimoni bəyji kardeye ta əvon bo aləmon pərvərdıqori palu huzur pəydu kardero ıştədə qıləy lozım bıə ləyoğət pəydukon.qıləy həyot və jimon ki,de pardəon bə kəno şıey,axırəti jimonədə qıləy baği iyən əbədiyə jimon hosil beydə.şəhodət bə məşuği vusal və rəseyro həmməysə çokə roye və qıləy çiye ki,ğərəz dayimi iyən həyğiyə jimoni əyo əvon çı Xıdovəndi qırd nemətonko oko bədoyn və bə həmməysə yolə nemət yəni bə Xıdovəndi roziyəti məğami bərəseyn.Xıdo ovliyaon və Xıdopərəstə insonon muştoğonə çı şəhodəti oruzuədən…
