Xıyzoni məcəllə-10

Xıyzoni məcəllə-10

Qıləy camiyəşınos və sosyoloq bıə doktor Ozod Ərməki jıqo hisob kardedə ki,İronıjə camiyədə inev mədəni bəyji kardey bə əməl omə holədəy və qıləy xıyzon de tədrici bə qıləy komilə aylə təbdil beydə.yəni qıləy xıyzon ki,de pı-mo bə icoye iyən de kamə fərzəndon bə icoye.harçənd bın xıyzonədə fərdəti həm zuhur kardedə,əmmo əsosən qıləy nuyə iştimoyi fəlsəfə ki.bə”jimoni əhəmiyyəti” əsose,ısət bə formə dəşə iyən bə əməl omə holədəy.İronıjə camiyədə “jimon” muhimm bıə.

Əv əlovə kardedə:bəzi vaxt mumkine bıvoton ki,ın təhəvvulot iyən hodisəon çı İroni camiyə modern və mıosir bıeyku nəşə seydə.bəle,modern bıey çı xaos,hərcı-mərcəti iyən suğuti mənoədə ni.mı modernitə mısbətə kəlmə mənoədə ğəbul kardedəm.modernə xıyzon kəlmə mısbətə mənoədə İronıjə sınnət,fərhənqi iyən əxloği mətn və daxilədə bə formə dəşeydə və bə əməl omeydə.

Binobərin votey bəbe ki,qıləy İronıjə xıyzonədə təğyir iyən əvəzon qıləy xətti təhəvvul ni və ımruj inev har seqlə ulqu ənənəvi,modern iyən postmodern xıyzon İroni mıxtəlifə noxtəonədə mışohidə beydə.rəğ-rişəynə xıyzon hənuj və ijən mədəni,hissi iyən ixtisodi nəzəku deştə valideyni qıləy ğoymə rabitəş heste,bəçəy xoto İroni rəğ-rişəynə xıyzon qıləy hevuj iyən mehkəmə xıyzone......

Sara qıləy İronıjə kinəy.əv ıştə xıyzoniku co beydə və bo təhsil sıyero bə Kanada şeydə.əmmo deştə xıyzoni de telefon,mobil iyən emayli vositə qıləy dayimiyə rabitəş heste.ım irtibot nəyinki, atifi iyən emosional nəzəku çı xıyzoni uzvon miyono qıləy qamə mınosibəton icod kardedə, bəlkəm,mıxtəlif formədə çı xıyzoni uzvon miyono himoyə və mıbodiləon bə əməl omeydə.pı-mo harçənd kəno xarcon təmin kardeysə əlovə,ıştə kinə dıli piyə har qıləy çiyon hozzı kardedə və boəy vığandedə.əvon hətto bo Sara duston həm qıləy hədiyyəon vığandedən.həlbəttə xıyzoni atifi iyən emosional hissonku bə əməl omə qamə mınosibəton de çehrə bə şehrə vositəy,bın metodədə xıyzoni muhimmə baxşonku rəğ-rişəynə xıyzonədə de bənə mehmonəti bıə  fiziki təmasi roy vositə bə dast omeydə,kam ranq beydə.əmmo xıyzon səy kardedən çəvon fərzəndon çəvon fərhənq və adətonku bə diyəro nımandon.qahi zəmon aylə ıştə həmməysə əsosə sərmoyə boştə fərzənd Sara vindey iyən boçəy palu şıeyro sərf kardedən.çun əvon əy ıştə coniku co nıbə qıləy baxş hisob kardeydən və zıneydən ki,Sara çı təhsili bəpeştə bəştə xıyzoni obəqarde.....

Qıləy Fransəvıjə ənıvışt Aleksand Duma votedə:jeni ğəlb qıləy parçəy ki,rəyrə poə beydə və rə həm pinə kardey beydə.çı jeni əhvol-ruhiyyə və şoyvonəti çı merdi məhəbbətiku bə şıkrəy.jen ıştə eşğ iyən hisson de kəlməon bəyon kardedə və ehtiyociş heste ki,de kəlməon məsey çı cokəsonku eşğ iyən hisson ğəbul kardedə.

Peyğombəre-Əkrəm(s) hamyedə:”ısət qıləy merd bəştə jeni bıvoto ki,az tınım piyedə,ım hiçvaxti çəy jeni ğəlbiku xaric nibəbe”.