Xıyzoni məcəllə-13

Xıyzoni məcəllə-13

De İslomi İnğılobi Yolə Rəhbəri Xıyzoni sıxanon bın baxşədə de İropnıjə xıyzonon coqlə xısusiyyəton oşno bəbemon.ə həzrət hamyedə:”Behəmdillah,çəmə kişvərədə və şərği ziyodə camiyəonədə məxsusən İslomi camiyədə hənuz çı xıyzoni kəmər məhfuz iyən oqərə bıə.həmonə xıyzoni rabitə Behəmdillah heste.həmonə səmimiyyət,səfo iyən məhəbbət heste.jeni dıl boştə merdi jeydə və əvon iyande ıştə dıli nığılə vırəku piyedəşone və çəvon miyono qıləy səmimi jimon mevcude.coqlə vıronədə ım çiyon vey kame.çəmə kişvər İronədə ıv vey ziyode”...

Dəvardə bərnomədə votemone ki,İronıjə xıyzoni muhimmə xıslətonku qıləyni çəvon dindor bıeye.kali camiyəşınoson və sosyoloqon çın mığəddəsə mərkəzi coqlə xısusiyyəti çəy torıxi bıeye.Xıdovənd bəşəri xılğətədə de Odəm(ə) iyən Həvvo(ə) xılğəti həyğətədə xıyzoni jimonış ofəye.rəvoyətədə omə:Xıdovənd Odəm(ə) iyən Həvvo(ə) xılğəti bəpeştə,Həvvoş(ə) bənə tojə zuhur kardə mevcudi xəlğış karde.Odəm(ə) çəy xılğətiku aqah bıey bəpeştə Xıdovəndiku dəparseşe:ım kiye ki,çəy ğurb iyən nəzə bəçımı unsi boyis be.Xıdovəndi hamyeşe:ım Həvvoye. aya ıştı dılı heste əv detı bıbu,detı unsiyyətış bıbu,sıxanko iyən bətı tabe bıbu? Odəm(ə) voteşe: bəle Xıdolim ha! çanədə az bəyjim ıştı şukri kardey bəmı lozıme.peşo Xıdovəndi hamyeşe:mıku ıştı deəy bıə izdivoci tələbkə.çun çəy ıştı jimoni həmro bıey səlohiyyətış heste.peşo Odəmi(ə) ərzış karde:az deəy izdivoc iyən vəyə kardey təklifi ğəbul kardedəm.şımə bımi roziyon? Xıdovəndi hamyeşe:çımı roziyəti bəvədə bəbe ki,tı çımı dini təlimon bəy obəmıteş....

İyo əmə mışohidə kardedəmon ki,çı Odəm(ə) de Həvvo(ə) miyono unsiyyəti iminə amil, Odəm(ə)bə Həvvo(ə)  bıə nezəti iyən nəzə be ki,Odəmi(ə) bəçəy məhəbbəti cəzb bıəbe və Xıdovənd həm ım usulış bə çəvon miyono irtiboti bərğərol kardey əsos,ğərolış doe.ım insoni unsiyyət çı cinsi şəhvəti zohir bıey bənav bıə ki,bə həmonə cəhət İslomədə xıyzoni təşkil doey çı cinsi meyli və ehtiyocisə həm bəpeye və ım irtibot iyən robitə bo jenı-merdi bə oroməti rəseyroye.izdivoci bədiqə Odəm(ə) bə Həvvo(ə) voteşe ki,bəçımı tərəf booy və bımi diyəkə. Həvvo(ə) bəy voteşe ki,tı çımı palu booy və odyəs.Xıdovəndi əmrış karde ki,Odəm(ə) bəsə poysə əyşte və bə Həvvo(ə) səmt şe və ım həmonə merdi çı jeniku bıə daynəti iyən tələb kardeye.

Qıləy holədə ki,Xıdovənd har dıqlə yəni har qıləy jenı-merdi həyğəti iqlə qovhər zıneydə və çəvon miyono sıftənə xılğəti cəhəto hiç qıləy imtiyoz ğayil ni.joqo ki,Ərafi mıborəjə surədə hamyedə:”Huvəlləzi.....Əve Xıdo ki,şımə həmməş iqlə bədəniku ofəyəşe və çəy(neviku) həm çəy qitış mığərrəış karde ta deəy unsiyyət iyən oroməti pəyduko”....(Ərafi mıborəkə surə-189).....