Rəhbəriyyəti nəzə

Rəhbəriyyəti nəzə

Bə Koronavirusi pandemiyə dəlili xoto dı sor be de İnğılobi Yolə Rəhbəri vindemonon təşkil beydənıbe,dəvardə haftə ixtisodi fəolon iyən istehsoləkəyon de həzrət ayətulla Xameneyi vindemon kardeşone.qıləy vindemon ki,Yolə Rəhbəri əvış dıjdış əqte və bəyış təkrim kardeşe və bə yodış dənoe ki, ixtisodi siyosəton mıəyyən kardey ehanə de həmdıləti iyən həmrayəti bə ico bıbu,qıləy çokə hodisə bə əməl bome.

İslomi İnğılobi Yolə Rəhbəri sıxanon əncom doə məkonədə odəmi dığğəti cəlb kardə çi ıme ki,qıləy dıjdə tablo Yolə Rəhbəri səy piyo ehaştə bıəbe ki,Hudi mıborəkə surə 61-ə şərifə ayə de təcumə nbəvədə nəsb kardey iyən oney bıəbe və həmmə kəson bə ovdonəti iyən obodəti tərəf dəvət kardedəbe.joqo ki, hamyedə:”Huvə ənşəəkum.....Əv qıləy Xıdoye ki,şıməş zəminiku bə əməl vardeşe iyən çəy ovdonətiş bəşmə ehdəş noe”....

Çandə qıləy ko ofəyə və soybkoron sıxanon bədiqə,İslomi İnğılobi Yolə Rəhbəri sıftədə bə İslomi Respublikə ələyh bıə deşmıni psixi iyən ixtisodi canqiş işorə karde ki,1390-ə Həşi soriku hakərə de çand manqinə zəmoni təyin kardey İslomi İnğılobi volo və məhv bıey və`də doydəbin.əmmo çın deşmınətiyon mığobilədə istehsoləkəyon və soybkoron ğərol qəteşone və deştə hərəkəton çı deşmıni mıhosibəonışon bəyənde je.ə həzrəti hamyeşone:Amerkəvıjon bo ın (ınğılobi)peqordımoniro qıləy zəmon təyin kardəşon be.şəş manq.əvon fik kardeəbin ki,şəş manqi ərzədə çı İroni ixtisodi miyoniku bardey bəzıneyn.az həlbəttə ım koy dumo nıeqınim və zıneydənim.(əmmo) jıqo votedən-deşmıni kardeyış zınəni.şəş manqi əvəzi da sor dəvardə və bın dəvardə da sori mıddətədə həm çın canqi şiddət rujbəruj ziyod bıə.əmmo çı kişvəri ixtisod iyən istehsoli sənqər behəmdillah pobərcoye,bəyjiye.həmonə ləşkər ki,çı deşmıni mığobilədə mandin,şımə biyon.çın mığəddəsə mıdofiyə əfsəron,soybkoron iyən ixtisodi ləyoğətinə mudiron bin.çəvon canqəvəron iyən canqəkəyon həm çəvon fəhlə və koəkəyon bin.fəhləon de ixlosi canq kardedəbin iyən bın meydonədə de qıləy səfo bin.şımə həmmə və qırd ixtisodi fəolon bın iftixorədə-kişvəri ixtisodi muhafizə ixtixorədə -şərikiyon.....

İxtisodi,istehsol iyən innovasiyə bəhs çandə sore ki,de İslomi İnğılobi Yolə Rəhbəri vositə çəyku bəhs kardey beydə və çı kişvəri ixtisodi rovnəğ pəydu kardey koyədə istehsoli mevzu əhəmiyyətiku hikoyət kardedə.həzrət ayətulla Xameneyi tolid iyən istehsolış cihodış hisob karde və hamyeşone:çımı iminə mərtəbədə votə çi,ıme ki,istehsol qıləy cihode.”Əşhədu ənnəkə ....ımi bə Əimmeyi-Huda(ə) xiytob kardedəm və həmişə votedəmon:cihod.ımruj ımruj tolid iyən istehsol cihode.çıro?boçəy xoto ki,cihodi mənodə mukərrə və çandə kərə votəme ki,cihod iborəte çə səyonku ki,çı deşmıni hərəkət iyən  həmləon mışohidə kardedə,deşmıni mığobilədə bıbu.har qıləy cəhd cihod ni.qıləy səy ki,bə deşmıni həmkləon dığğət kardedə.ıme cihod”......

Dırozə sorone ki,istikbor iyən impetiyəlistə ğudrəton deştə nevbənev məkrinə plan və deşmınətiyon İslomi nizomi çı maksimal təzyiğ iyən embarqoon jiyədə ğərol doydən və jıqo umuşon heste ki,İroni millət çəvon çın təzyiğon mığobilədə mandey nibəzıneyn və İslomi İnğılob bənə coqlə inğılobon ıştə hədəfon real kardeyku nokom bəmande.İnğılobi Yolə Rəhbəri hamyeşone:deşmın dıqlə tərəfiku daxil bıə ki,çı kişvəri istehsoli bə zonu bınıştovno.qıləyni çı kişvəri valyutə vardə həmməysə muhimmə mənbə bıə nat iyən ğazi sahəy və coqılyni həm çı mıbodiləon nohiyə be.yəni çı valyutə muhimmə mənbə və muhimmə mənşə bıə nat iyən ğazi nahiyəku bə kişvəri daxil bıə çiyon.de dınyo mıbodilon məhdud bıbu, muşkilon bə əməl booy və bə sanksiyə məruz bımando.yəni həyğətədə istehsol bəsə zəmini eqıno,bə zonu nıştevnoy bıbu.kulliyə formədə çı miyoniku bışo.coqlə mənoş həm ıme.şımə valyutə nıbə zəmonədə xarici kliyent iyən mıştəriyon həm nıbu,həni bəvədə çı istehsoli qıləy mənoş nibəbe.çəvon hədəfışon ım be.çok ısət çəvon ın hədəfon mığobilədə çın oşkoə deşmınəti vədə hakəs hərəkətko,ım ıştən hejo cihode.binobərin bə ım nuktə dığğətkənən ki,qıləy ko jıqoye.ehanə şımə niyyət bə kişvəri xıdmət kardey və bo Xıdo xoto bə milləti xıdmət kardeyebu,ım çı ibodəton həmməysə dıjdə qıləyniye ki, şımə əy bə vırə rosneydon.......