İnğılobi Fəcr-9

Fəcri inğılob-Cıvonon

İslomi İnğılob ıştə bino bıeyku de tosə ısət de seqlə nəsli dimbədim omə.iminə nəsl əkəson bin ki,1342-ə (1963) sori cıvon bin və ıştə umri ibaxşışon de sabiğ şah rejimi mıborizədə dəvordınəşon be və de İmom Xomeyni(r) rəhbərəti bə İslomi İnğılob bə əməl omey boyis bin və əvon İroni İslomi Respublikəşon təşkil karde.ım nəsli bə İnğılobi ideyal və hədəfon nisbətədə bəfodorə məcmumə həmməysə fədokorinə nəsl hisob kardey bəbe ki,İnğılobi vey yavə şərayitonədə çı camiyə idorəçəti koşon bəştə ehdə peqətəşon be və bə mıxtəlif nev problemon iyən muşkilaton rəğmən,mıvəffəğ bin ım inğılobi çı inhirofə royku nicot bıdon.

İnğılobi dıminə nəsl ki,iminə nəsliku bə əml omin,ə cıvonon bin ki,İslomi İnğılobi hərəkəti muhərrik iyən motor bin və əvon deştə imoni ğıvvə və de vey kamə imkonaton bəsə de dınyo ğudrəton həmmə vositə himoyə iyən təchiz bıə İraği BƏƏS-i rejimisə səbarz və ğalib omin və ıştəku əbədi xotırəonədə mandə ğəhrəmonətiyonışon ıştəku bə yodiqor haşteşone.əvon de İnğılobi iyən canqi nəsli nomi məşhurin.ım cıvonon 1357-ə (1979) Həşi sori İslomi İnğılobi Səbarzəti təcrubəşon heste və canqi bədiqə deştə cihodi hərəkəton bə kişvəri sənibəton soxtey fəoliyyəton daxil bin və kişvəri çı canqi bədiqə bəy ehtiyociş dıjdə ovdonəti loyihəon nışon doeyədə,həmçinin nizomi idorəçəti strukturədə fəoliyətonışon bəştə ehdə peqəteşone və holo hozırədə məsul şəxson və camiyə mudiron veyni çın nəsli uzvonin.

İnğılobi seminə nəsl həm çı dıminə nəsli fərzəndonin ki,çəvon inğılobi bənav,inğılob iyən canqi bədiqə bıə təcrubəşon ni.əmmo ım nəsl çı İnğılobi səbarzəti bəpeştə bıə qıləy həyəconinə zəmonədə ruşdışon pəydu kardə,ozavziyən və mıxtəlif sosyal ərsəonədə iştiroki iyən çı kişvəri tale təyin kardey koyədə mıdoxilə ıştə həx zıneydən və de bəştə cəmyəti de şiddəti ozavziye dığğət kardə holədə  de İslomi İnğılobi bəvon doə neməton ixtiyor iyən ozodətiku oko doey bə milləti rayon əsos ğərolon bekardeyədə ziyodə roli ifo kardey fikədən.bə inkişofi,təhəvvul tələbəti iyən innovasiyəon dığət kardey, çın cıvonə nəsli xıslətonkuye.əve çın cıvonə nəsli veyə hissə şı İslomi İnğılobi nizomi zumandəti iyən inkişofi sənqərdoron bə hisdob omeydən....