İnğılobi Fəcr-10

Ironi Mıdofiyə Ğudrət

İslomi İnğılobi Səbarzəti milodi 1979-ə sori fevralə manqi 11 -ə ruji çı İroni çand həzo sornə torıxi nuyə səyfə bə hisob omeydə.ım İnğılob bə mıxtəlif siyosi,soyal,mədəni iyən ixtisodi ərsəonədə fundamental təhəvvulot iyən hodisəon bə əməl omey boyis be.

Demiyəən çəy təsirinə muhimmə cəhətonku qıləyni mıdofiyə iyən hərbi sahədə torıxədə nıbə qıləy nuyə prosesi bə formə dəşey be.İslomi İnğılobi bənav pəhləvi rejimədə xısusən şah hukuməti zəmonədə deməkə ki,kəlon və ziyodə silohon hıəryie beydəbe,əmmo İroni mıdofiyə sənaye qıləy ruşdıdş pəydu kardə nıbe və silohinə ğıvvon bə xarici min cumlə bə amerkə mustəşar iyən attaşeonku bə şıkrə bin ta əvon hərbi təchizoton bə ro dəğandey iyən mıxtəlif hərbi silononku min cumlə aviasiyə iyən dıyo təchizotonku oko doey əncom doydəbin.de ın tərtibi votey bəbe ki,şah rejimi hərbi siyosəti iminə muşkil  çı İroni xarici kişvəronku şiddətinə şikilədə  təslihoti iyən silohi cəhəto bıə vobastəgi iyən bə şıkrə mandey be.deməkə ki,hərbi baxş və sektorədə kəlon iyən veyə budcəon co kardey beydəbe,əmmo sıtfən qıləy siloh hırye səth və səviyyədə be və həni əy bumi kardey və istehsoli cəhətədə hiç qıləy qəm şodey beydənıbe.ım nəzə boyis beydəbe ki,İron de şiddəti çı xarici xısusən ğərbiku silohi cəhəto bə şıkrə bımando.....

Şah rejim dınyo səthədə miyonə hərbi xarcikusə həm vey,hərbi budcə sərf kardedəbe.məsələn 1975-ə sori İroni hərbi budcə UDM 12 fayiz be .qıləy holədə ki,dınyo səviyyədə miyonə mıdofiyə xarconn 3-8 fayiz be.co tərəfiku həm şah rejim hərbi baxşədə məxsusən siloh hərbi sahədə vey isrof kardedəbe.və holınki,həmonə zəmonədə İroni bə sənaye iyən di təsərrufoti sektori ozavziye həm qıləy xısusi ehtiyoci hestebe və çı nati ğeyməti çandə bərobər rost beıy həm çı İroni ixtiyorədə qıləy təkror nıbə fırsətış noəbe ta siloh hıryə əvəzi,ə bəroməon ixtisodi sektoronədə sərmoyə noye bıbu və bə kişvəri inkişofi boyis bıbu.siyosi ekspert doktor Muhsin Rədadi votedə:İroni veyni hərbi xarcon şah zəmonədə sırfən bo siloh hırye iyən çı ğərb iyən şərği siloh şirkəton zumand kardeyku iborət be.əmmo İslomi İnğılobi Səbarzəti bəpeştə ım xarcon daxilədə siloh soxtey iyən istehsoliro sərf kardey be və həyğətədə bo alimon iyən cıvonon qıləy ko və fəoliyyəti vırə icodış kardə.co tərəfiku çı şah silohon hıriyə ko əksərən ğeyri-ağılmandə formadə be.əv əv çı bo ğeymətinə silohon dumo be,nəyinki,vey çokə silohon dumo.həmən çı şah siloh hıriye ko məntəğədə bə əsləhə hıriye mısobiğə bə ro dəğandey boyis bəbe.çı şah çandə kərə silohon hıriye İraği BƏƏS-i rejimi həm təhrik kardeəbe ta əv həm ıştə ləşkəri de nuyə silohon təchizko və qıləy fırsəti çəş kardedəbe ta bə İroni həmləko.çoko ki,İslomi İnğılobi Səbarzəti vuğu be və bə əməl ome,ğərbi mustəşaron çı İroniku şiin və həmonə silohi mığoviləon həm ləğv bin və İroni ləşkəri vəzyət həm çı Bəğdadi devləti nəzəku qıləy zəyifə ləşkər bə hisob omeydəbe.İraği diktator səddam huseyn hissış karde ki,ısət bə İroni həmlə kardero qıləy çokə fırsətış bə dast vardə və 1980-ə milodi sori bə ironi ələyh hevujə şikilədə bıə qıləy həmləş bino karde......

İraği BƏƏS-i rejimi bə İron İslom Respublikə zidd bıə həşt sornə məcburiyə canq qıləy şərayitədə bə əməl ome ki,de bə İron İslom Respublikə nizomi nuyə nizom bıey dəlili rəğmən,hərbi cəhəto hətto bo hartərəfinə canqiro qıləy hozzıətiş nıbe.demiyən çın canqi ziyodə erjin iyən təsirinə nəticəonış həm be. Mığəddəsə Mıdofiyə muhimmə cəhətonku qıləyni İroni hərbi iyən siyosi cəhəto hərəkəti  zumandəti be və həmçinin bo dınyo istikbor iyən imperiyalsitə ğudrəton mığobilədə mığoviməti ğudrət be.həzrət İmom Xomeyni(r) çın təhmili iyən məcburi canqi həxədə hamyeşone:deçəmə şucoətinə sərbozon vositə,yolə milləti şucoəti be ki,ım mətləbışon təsbit kardey zıneşone ki,ikəs bə ım məmləkəti rıxnə kardey nibəzlıne vəcikəs bə kişvəri qıləy zərəl rosney nibəzıne.....