Xıyzoni məcəllə-19
Xıyzoni məcəllə-19
Jenı-merdi mıştərəkə jimonədə çəvon vəzifəonku qıləyni de iyande məşvərət və məsləhət kardeye.ımruj mudiriyytə və idorəçəti mevzuyədə votedən:ğərol bekardey çı idorəçəti ğəlb iyən dıle.qıləy zəmon səhih iyən məntıği ğərol bekardey beydə ki,çı məcmuə jiyədə bıə həmmə kəsonku ray sıey və deəvon məşvərət kardey beydə.bənə kə iyən maşıni hırye və bə səfə şıey iyən bəştə nezə odəmon osə ğandey,mehmonon dəvət kardey,de xass fərdon rabitə bərğərol kardey ya rabitə bırniye,xıyzoni bəromə xarc kardey iyən kə ləvazimoton hırye forməku iborət bıə koonku veyni,çə koonkuye ki,bəpe jenı-merd de bə iyande ehtırom noə holədə de iyande məşvərət və məsləhətkon.
Həzrət İmom Əli(ə)bə ,qıləy mustəbid iyən fəğət ıştə ray bəqəm kardə fərdi işorə kardə holədə hamyedə:”hiç qıləy peştıpurəti(himoyədərti)bənə məşvərəti ni”.həlbəttə ımrujnə jimonədə jenı-merdi ko və fəoliyyət anədə bənə iyande bə nez bıə ki,həni ğərol bekardey bə jenı-merdəti əsos təğsım kardey mumkin ni.məsələn dəvardə zəmononədə kamə jenon mevcud be ki,ıştə jimoni həmro bəromə və fəoliyytonku qıləy dəğiğə məlumotışon bıbu və çəy ğərolonədə qıləy mıdoxilə kardey bızınon.əmmo ımrujnə əsrədə bə jeni camiyədə bıə barzə məğami iyən bəçəy çı jimoni həmmə zəminəonədə bıə iştiroki xoto,vəzyət farğ kardedə.rəvonşınos iyən psixoloqon tevsiyəonədə omə ki,merdon deştə jimoni həmroon məşvərət kardey ziyonış ni və bəpe əvon ivozə bıdon ki,jenon hisskon ki,çəvon nəzəon boşımə qıləy əhəmiyyətış heste.ehanə çəy qıləy çokə nəzəş hestebu,çımi boşmə qıləy foydəş bəbe və şımə ıştə nəzə ijən sənibəton nəzəku dəvordıney bəzıniyon.
De jimoni həmroon məşvərət iyən məsləhət kardey,şımə çəvon qıləy məxsusə zəminədə bıə ğudrət iyən təcrubəonku oko doey bəzıniyon və qıləy çokə ğərol bekardey imkonon bəbe. həmçinin şımə deəvon məşvərət kardə zəmonədə əgər çəvon məşvərət və ğərolon səhih nıbu, şımə ıştəni mızəmmət nibəkardeyon və şımə jimoni həmroon həm deşmə pıt-pıt nibəkardeyn. əmmo əgər şımə ıştə jimoni qırd ğərolon coyli və deştə jimoni həmroon məşvərət nıkardə holədə bə vırə bırosnon,bəvədə şımə ehdədə qıləy dıjdə məsuliyyət bəbe ki,ım həm şıməni sıst və lır bəkarde və şımə obəqıniyon.
