Xıyzoni məcəllə-22
Xıyzoni məcəllə-22
Bın xıyzonədə penc qılə dini yolə şəxsiyyəti huzur və iıtirokış heste.Xıdo-Rəsul(s) ,seqlə imom(ə) və iqlə xanım ki,peyğombəri kinəy və İmom Əli(ə) jimoni həmro və dıqlə imomi inəy. çın kinə həxədə həmməysə çokə təbir “ıştə pı inə” (ummu əbiha) təbire ki,jimonədə umdə rolon ifo kardedə.Əv çı xanıımon xanıme və iştimoyi iyən siyosi fəoliyyətonədə iştirok kardedə və çəy vucud çı xıyzoni nizomədə muhimme.bın kədə seqlə nəsl mevcude.Yolə Pı,volideyn iyən fərzəndon.həmçinin çın nəsli har qıləyni huzur və iştirok de iyande vindey beydə və əvon çı iqlə poydor və sabitə aylə barzə nımunən və əvon har qıləyni İslomi tale və çı İslom iyən Şiyə dınyo torıxədə ziyodə təsironış heste...
Xıdo-Rəsul(s) xıyzoni uzvon kollektiv jimonədə bıə coqlə uzvon hiç qıləy ziddiyyətışon ni.bın xıyzonədə fərzənvardey de eşğ.məhəbbət iyən səmimiyyəti ziddiyətış ni.xıyzoni iyən iştimoyi vəzifəon miyono qıləy tafut və farğ bəçəş çiyedəni.fərdi risoləti de umumi risoləti qıləy farğış ni. ım xıyzon ki,bənə doktor Ərməki bıə camiyəşınos iyən sosyoloqon əy de “dəvominə rəğ-rişəynə xıyzoni” unvoni ğeyd kardedən ki,çəy qıləy sabit iyən dəvominə xıyzon və camiyə icod kardeyədə təsirinə rolış heste.
De jıqo nığılə etığodi bovəon İroni sərzəminədə xıyzoni mərkəzon perəsən,inkişofış pəydu kardə və baği mandə.mısılmonə milləti etığodonədə bə ın xıyzoni mehvəriyyət pəydu kardey rəğmən,İronədə aylə muhim və iştimoyi missiyəon həm bə xıyzoni mərkəziyyət əsose.çın ayələonku bənə bəfodorəti,eşğ,ehtırom iyən fədokorətiyon bıə təzahuron itərəfo və bənə bıvəti, hovəti.jimoni həmro iyən pıəti bıə təzahuron co tərəfiku hevujə şikilədə bıə qıləy məfhumi forməş bəştəş qəte və kulliyə formədə bə Şiyə iyən İroni fərhənq iyən mədəniyyəti siroyətış kardə.tosə əvrə ki,əvon bənə Muhəmməd,Əli,Fatmə,Həsən.Huseyn iyən coqlə nomon boştə fərzəndon vıjniyedən və noydən.inson bəpe bəştə jimoni həmro ehtırom bıno və çı cəmi dılədə mızəmmət nıko və əy əziz bıqəto..Xıdo-Rəsuli(s) hamyəşe:"hakəs qıləy mısılmoni əziz bıqəto,Xıdo həm əy qiromi bəqəte"...
