Rəməzon,çı fırsəton manq-6

Rəməzon,çı fırsəton manq-6

Əzizə duston səlom, bənə dəvardə rujon, de “Rəməzan fırsəton manq” nomo məxsusə bərnomə şımə xıdmətədəmon.

Mıburəkə Rəməzanə manqi bə şımə təbrik ərz kardəm, umidımone ım manqədə, şımə Xıdo bandə bey ləzzəti təcrubə kənən, ım ləzzət həm de vacibə ibodəton əncom doe və həm bevəcion tərk kardy vositə, təcrubə kardey bıdə. əmmo əzizon ım koon əncom doeədə bəpe prinsipon və ğanunoni rioyət bıbu ki bəy jimoni metod iyən səbk voteydən, və ım royədə Xıdo Rəsul(s) iyən Əhle Beyt(ə) vey çokə ulqo bə hisob omeydən. Dəvət kardəm de ımrujnə bərnomə dəmə bə ico bımandən.

Mehribonon, hardey iyən peşomeyku diyəro mandey, çı jimoni metodi adətonku qıləyni bə hisob omeydə. Har kəs ki həmişə çəy fik ım bıbu ki çoknə vey ləəzzətin iyən çokə xoraki boştəro hozzo ko, beşək karde nibəzne rujə bıqəto, nımoj bərpo ko, şəvonədə bə nımoj iyən mınocati məşğul bıbu. Həmonə şəxs Xıdo bandə bey həxi əncom doəşni və ım məsələ bo insoni rufi qıləy yolə zərəl-ziyon bə hisob omeydə.

Xıdo Rəsul(s) qıləy rəvorətədə ki hamiyəşe: “ ıştə dıli de vey hardey iyən peşomey vositə məhv məkənən. Ğəlb bənə kaştımone ki əqə vey bəy ov bıdəmon, fasid bəbe iyən bəmarde.” Həminə barədə İmom Sadığ(ə) həm hamiyəşe: “mumini dıliro hiç çi ğərəz ləvəynəti zərl-ziyonış ni”.

İslam həm vey tovsiyə kardə vəşi nebey zəmonədə, xorək məhardən, və si bey hiss kardey bənav, xorək hardeyku dast bıkəşən. ım tovsiyə rioyət, karde bəzne əmə ni bə cismi və rufi səloməti nez ko.

əzizon, Rəməzonə mıburəkə manqədə mısılmonon rujə qəte kənoədə, mənəvi ləzəon dəvardoneydən iyən ıştə con və cismədə səbr və muğaviməti mıhkəm kardedən ta ım royku bə əbədiyə səadət səmti nez  bıbun.

Rəməzonə manq çı sori xususi əyyomiku bə hisob omeydə ki çəy rujonədə, rujə əqəton ibodət iyən çəy şəvonədə bə mınocat və dıvo kardey iyən və səbr və istiğoməti təmrin kardey məşğulin. Mıburəkə rəməzonə manq,çı ilahi ziyofət, iyən səbr və muğaviməti təlim bə hisob omeydə. Jəqo ki Xıdo Bəğərə surə 45 minnə ayədə hamiyəşe:

“Çı səbr iyən nımojiku komək tələb bıkənən və həyğətən, ım ko saxt iyən mırəkkəbe. sovə xıdoku tarsəkəson iyən əhle-xuşu(muti).”

şiəyon hədison və rəvoyətonədə, ım ayədə Səbr həmonə rujə mənodəy.

əzizon, Həzrəte Əli(ə) qıləy rəvoyətədə, səbri barədə hamiyəşe: “ səbr 3 cur heste. mısibətonədə səbr kardey, qınohədə səbr kardey iyən itoətədə səbr kardey”. ə Həzrət mısibətonədə səbr kardey baədə hamiyəşe: “əqə inson pidəş bu modi iyən mənəviyə hadisəon, muşkilaton iyən saxtion vədə, İlahiyə irodə royku xarıc nıbu, bəpe səbrış bıbu”. itoətədə səbr kardey yəni inson, Xıdo itoət kardey zəmonədə bə səbr ehtiyocışe, yəni Xıdo itoət kardey royədə, vey muşkilaton icod bıdə iyən əqə inson pidəş bıbu vey çokə surəti, ilahi prinsipon iyn dəstoronku itoət ko, bəpe vey çok səbrış bıbu. əmmo qınohədə səbr kardey bə ım məenoe ki əqə inson pidəş bıbu Xıdo bandə bey royku xarıc nıbu, bəpe səbrış bıbu ta qınohon mığubilədə karde bızono bəştə nəfsi ğələbə ko.

Mehribonon,İnson bəpe ıştə jimoni həmmə baxşonədə səbrış bıbu, Bəğərə Surə 153 minnə ayədə omə ki “həyğətən, xıdo de səbrəkəyone”

Həmçınin həminə surə 155 minnə ayədə, Xıdo bə səbrəkəyon hamiyəşe: “(aqah bıbənən)hukmən şıməni həmmə de tars,vəşiyəti mol iyən coniyə zərəli və de məhsuli kam bey imtovon bəkamon.(ey peyğombər) bə səbrəkəyon bəşorət bıdə (ki, ehanə səbr bıkəyn xıdo imtovononədə ğalib bomeyn və yolə mıkofəat bə dast bəvan)”

Bəle əzizon, Xıdovənde Xalığ, jimoni imtıvonon iyən muşkilaton mığubilədə, bə səbrəkəyon modi və məenəviyə mokafat bədoy.

Əmmo Rujə qətey bo bandəon səbri zumand kardeyro vey çokə təmrin və məşğ bə hisob omeydə iyən bo insoni nəfsi pok bey və təhorətiro vey çokə təsirışe.

Im ilahiyə manqədə, rujə qətey, insoni səbri zumand kardedə, iyən bois bəbe inson deştə həvoye nəfs və meylon mubarizə bardey, təmrin ko.ım royədə har çəxtə rujə əqəton səbr kon, jimoni muşkilaton vədə ıştə nəfsi həm vey hozzo bəkarden.

əzizə həmzıvonon, Xıdo Zoməri surə 23 minnə ayədə hamiyəşe: “Xıdovənd vey çokə sıxanış kitobi ğolibədə nozil kardeşe ki,(çəy ayəon)bənə iyande və tikrorine. çəy(ayəon tilovətiku) ıştə pərvərdıqoriku tarsışon bıə kəson pust, bəlarze(larzedə). peşo de bə Xıdo(imoni) çəvon pust iyən dılon nam və orom bəbe. ıme çı Xıdovəndi hidoyət ki, harkiş bıpyo, deçəy vositə əy hidoyət bəkarde və hakəsiki, Xıdovənd(bəçəy fısği xoto)bə zəlolət eğando, çən(həni) boəy hiç qıləy hidoyətəkə nibəbe.

bəle əzizon, jəqoe ki har kərə Ğıron təlovət bıdə, insoniro tojə iyən marağin cilvə kardeydə iyən conon nurai və ruşin bıdə, ım çı Ğıroni xusiyət heste.

Əzizə əməson bə ım bərnomə quş doe xoto şıməku təşəkkur kardm.

Şımə ibodəton ğəbul bıbu.