Tehroni kitob nımoyişqo

Tehroni kitob nımoyişqo

Tehroni kitob sivı seminə beynəlxalğə nımoyişqo ha sor ordibehiştə manqi miyono bərpo beydə.ım nımoyişqo ironədə bərpo bıə həmməysə dıjdə mədəni hodisəonku qıləyniye.

Tehroni kitobi  beynəlxalğə nımoyişqo iminə kərə 1366-ə həşi (1987) sori tehroni beynəlxalğə nımoyişqo məkonədə bərpo be və de tosə 1385-ə həşi sori(2006) BIN MƏKLONƏDƏ ÇƏY DƏVORDINEY DƏVOMIŞ PƏYDU KLARDE.1386-ə həşi (2007) sori kitobi nımoyişqo tehroni musəlloədə dəvordıney be və dəvardə bın dıqlə sori dırozi həm bə koronavirusi pandemiyə xoto ın nımoyişqo bərpo nıbe.əçmmo ısət Tehroni beynəlxalğə kitob nımoyişqo dı sor fosilə bəpeştə ijən bə kitobi duston və bə milləti dim oj kardey be.ım nımoyişqo ordubehiştə manqi 21 -ədə (may-11) ıştə koş bino kardə və de tosə ordubehiştə manqi oxo yəni mayə manqi 21- bəştə koy dəvom bədoe.

Həlbəttə ımsor bə koronavirusi pandemiyə şərayiti və həmçinin kişvərədə mədəni ədoləti bərğərol kardey və çı həmmə kəsi bə kitobi dast rəsey dəlili xoto,tehroni kitobi nımoyişqo məcazi və virtual baxş həm ketab ir  saytədə bərpo bəbe.kitobi virtual nımoyişqo məziyyət və barzətiyon ıme ki,24 saati ərzədə kitobi xıdməton nışon doey bəbe və kitob handey piyəkəson har saat ıştə tələb kardə kitobon hıriye və əvoni bepul təhvil sıey bəzıneyn.yəni həmonə hıryə bıə kitobon bəvardey bəvon jimon kardə vıronədə təhvil bədoon.

Bo Tehroni kitob beynəlxalğə nımoyişqoədə iştirok kardeyro 2800 qılə naşiri ıştə nomışon nıvıştə ki, çımon 1700 nəfər daxili naşirin ki,ıştən həmonə nımoyişqoədə iştirok bəkardeyn və 1100 qılə naşir həm virtual formədə şirkət bəkardeyn......

Tehroni kitob beynəlxalğə nımoyişqo hasor bərpo kardey,bəsə daxili naşiron iştirokisə əlovə,həmçinin co kişvəronku naşiron bo nəşri sahədə həmkoəti kardero ıştə tələbışon nışonışon doə və çandə sore ki,çın kişvəronku qıləyni ki,bənə mehmonə naşiron iştirok kardedən.