Beynəlxalğ Xıyzoni Ruj
Beynəlxalğ Xıyzoni Ruj
Beynəlxalğ Xıyzoni Ruj
Mayə manqi 13-ə ruj(Ordubeheşeti-25) İMT tərəfiku de Beynəlxalğ Xıyzoni Ruji nom noey bıə.hasor jıqo qıləy ruji bənə Beynəlxalğ Xıyzoni Ruji unvoni mıxtəlifə kişvəronədə bərpo və bəy ehtırom nory beydə.çın ruji əziz qəteyku hədəf,dınyo iştimoiyyəti bə bənə camiyə qıləy əsliyə sutuni bıə xıyzoni əhəmiyyət doey və ımrujnə dınyoədə ayilə qamə mərkəzi təhdid kardə xətəron bərtərəf kardeye.çımisə əlovə Beynəlxalğ Xıyzoni Ruj de xıyzoni rabitədə bıə məsələon nisbətədə umumi aqahəti səth və səviyyə barz kardero qıləy mınosibə fırsəte ta camiyədə qıləy çokə fıəzo icod bıbu.həmçinin ım ruj qıləy mevğıyyət icod və hozzı kardedə ta çı ixtisodi,sosyal,mədəni iyən demoqrafik metodon bə ayilə bıə təsironku bıə həyğəton pəydu kardey bıbu.İron İslom Respublikə həm bənə dınyo coqlə məmləkəton millət və devləti bo aylə qamə mərkəzi hikoyə kardero ın Beynəlxalğə Xıyzoni Ruji əziz qəteydıə və bəy qıləy məxsusə ehtırom noydə......
Mıxtəlifə cəmyətonədə xıyzoni tafutinə rol və məğamış heste.aylə rabitəon mehkəməti iyən ğoyməti iştimoyi əloğəon çok bıeyədə və çı camiyə muşkiloton kam bıeyədə qıləy mısbət və erjinə rolış heste. ımruj ım muhimm və tale həlləkə təşkilot sənaye və şəhri jimonədə bə ziyodə zərəlon dıço bıə və ıştə əsosə roli ifo kardey zıneydəni.bəçəy xoto İMT 2022-ə sori Beynəlxalğ Xıyzoni Rujış de”xıyzon iyən urbanizasiyə ruji” şuori bəy qıləy məxsusə dığğətış doə və bın fikəfəy ki,kişvəron çı stabilə urbanizasiyə siyosəton əhəmiyyəti barədə aqhəti ziyodkon və urbanizasiyə idorəkon ta ım bə xıyzonon nəf və xəyri boyis bıbu və şəhronədə sakin bıə həmmə nəslon rifohi səviyyə barz bıbu....
Urbanizasiyə proses çı insoni camiyə əsosinə dinamikə cuzvonkuye.ım proses 21-ə əsrədə qıləy zumandə surətış pəydu kardə və bə statistik məlumoton əsos omə 2050-ə sori jıqo bəbe ki,dınyo kişvəron 70 fayizi nezi urbanizasiyə cıəmyət 60 fayizisə bəpe təcrubə bəkarde və çəvon 38 fayiz 80 fayizisə barzə urbanizasiyə bəbeyn.şəhron de cəmyət iyən mənbəon baxş kardey fəzoədə bıə əvəzon vositə şəhr iyən diyon,ixtisodi baxşon,təbəğon iyən iştimoyi qrupon kəno bıə mutəğabilə rabitəon munəkis kardedə.çın prosesi mıxtəlifə mısbət iyən mənfiyə təsironış həm heste.urbanizasiya mənfiyə təsiron həmməysə muhimmə qıləyni çı xıyzoni funksiyə zəyfəti ətrof muhiti təhlukəy.həmçinin mənbəonku befosilə oko doey və vəomədə bəşəri jimoni təhdid və ixtisodi sosyal mənfiyə nəticəonkuye.qırd ım problemon cəhətədə çandə qılə mutaliyəon bə əməl omə və dınyo mıxtəlifə noxtəonədə urbanizasiya proses dəvomış heste və mıxtəlifə cəhətiku çəy barədə bəhs kardey bıə.çın cəhətonku qıləyni xıyzoni bəhse ki,çı ziyodə camiyşınos iyən sosyoloqon dığğətış bəştə cəlbış kardə.......
