İlahi əsma və nomon

İlahi əsma və nomon

İlahi əsma və nomonku qıləyni Məcde.Məcdi kəlmə ki,Məcidi ismi rişəy,həm Kərəm və Cəlolədə hevujəti mənoədəy və həmən rəfət iyən əzəməti mənoədəy.Məcid qıləy buzurquvare ki,çəy həmmə koon şərofətine.qıləy Kərime ki,tələbi bənav və çı çəy həx bıey bənav baxşeydə.joqo ki,çəy fevğədə qıləy kərəm mevcud ni.Məcid coqlə ismon həm ıştədə ehtivo kardedə.Məcidə Xıdovənd qıləy ğudrətış heste ki,(Ğədire) hiççi əy əhotə kardey zıneydəni.qıləy Zumande ki,Ğəza iyən Ğədri təyin kardedə.qıləy Rəhime ki,çəy rəhmət həmmə çiş dəqətə.qıləy Həkime ki,ıştə tədbir iyən hikmətədə komile və çəy məcd iyən əzəməti oxoş ni. İmom Əli(ə) Nəhcul-Bəlağə 213-ə xutbədə çı Xıdovəndi məcd iyən əzəməti bəyonədə jıqo hamyedə: sıtoyiş bıbu bo Xıdovəndi ki,deştə məxloği həmmmisl bıeyku barze və çı vəsfəkəyon sıxanisə  bəpeye.bo bəsirəti əshobon oşkoye və deştə izzəti əzəməti çı xəyolpərəston əndişəku punhone.elm təhsil nıkardə və ıştə elmi ziyod nıkardə holədə  vəya cokəsiku elm nıpeqətə holədə və qıləy vırəku aqahəti pəydu nıkardə və ya ıştə elmi ziyod nıkardə holədə qıləy alime.və hiçkəsiku elm nıomutə holədə həmmə çiyon zıneydə.qıləy Xıdo ki.toykiyətiyon əy puşniyedəni və ruşinətiyonku ruşnə ğəbul kardedəni.çəy idrok vindey royku ni və çəy aqahəti çı xəbə royku ni......

Məci ikəse ki,çəy elm şərif bıə və çəy həmmə nom iyən sıfəton dıjdıəti oxoyədə ğərolış qətə və hiç qıləyniyədə qıləy noğisəti iyən kaməti mevcud ni.həmmə mevcudaton çəy əzəmət iyən məğami mığobilədə xaze və sə təslim kardedən.çoko ki,Rə`di mıborəkə surə 15-ə şərifə ayədə hamyedə:”və lillahi yəscudu....osmonon iyən zəminədə harki və harçi bıpyışone ya nıpyişone çəy əzəməti vədə sə tə`zim kardedə və bə Xıdo səjdə kardedə və həmçinin çəvon soğnəon ha sıbh iyən şami vaxti bo Xıdo səjdə kardedə”. Subhonə Xıdo  ıştəni Buruci mıborəkə surə 15-ə şərifə ayədə de məcdi sıfəti tevsifış kardə və hamyedə:”Zulərşil-Məcid”.və Əv təxti soybe (bəsə hestemoni aləmisə mtıləğə hukumətış heste) və Məcd iyən Əzəməti soybe.......