İlahi əsma və nomon

İlahi əsma və nomon

Bais ənbiya  iyən peyğombəron vığandey və  oğo bıey mənoədəy.ənbiya besət və irsali əsos bo milləti ğəfləti haniku oğo kardey və çəvon təfəkkuri ğıvvə bəyji kardey bıə.Əmirəlmuminin Əliyyibni Əbi Tolıb(ə) Nəhcul-Bəlağə xutbədə jıqo hamyedə:Xıdovənd ıştə peyğombəronış çı insonon miyono məbusış karde və ıştə rəsulonış dumo yande bəçəvon səmt vığandeşe ta (vohidə Xıdo pərəstışi əsos bıə)çı fıtrəti əhd-peymoni çəvonku tələbkon və İlahi neməton ki,çı viroşon bakrdəbe,bəçəvon yod dənon və de Xıdo dəsturon və fərmonon ibloğ və rosney huccətışon boəvon təmomkon və çı ağli dəfinə iyən xəzinəş çəvon botın iyən dılonədə boəvon oşkokon.liza Bayisi ism bə insonon daxili qıləy fik və əndişə vığandedə ta elm iyən zıney zəminədə və həmən əxloğ iyən əməli zəminədə ruşdko,ozavziyo və bə Xıdovəndi ğurbi məğami nayil bıbon....

Muminə inson dınyo fani və uğba və axırəti ali və əbədiyə məkon vindedən və yəğınış heste ki,Baisə Xıdovənd əy çəy maqi bəpeşt deçəy cism iyən rufi bəyji və rost bəkarde.Xıdovəndi reçinə Bayisə nomi ım dərk və famey çı xılğəti hədəfi tiki həm ziyodə boəmə ruşin kardedə ta deştə qırd vucudi Xıdovəndi bandəçəti cəhət və royədə ğədəm şodəmon.həmçinin de Xıdovəndi ım şərifə nomiku bəhrə bardey,bənə əy ki,bəştə bandəon nuyə jimoni baxş kardedə,insonon maqi bəpeştə bə jimoni və çı cəholətiku bə ağli səmt.rahnuma bıkəmon.çoko ki,İmon Bağıriku(ə) Mayidə 32-ə ayə həxədə sıvol kardeşone ki,Xıdovəndi hamyə:”:və mən əhyaha.... hakəs ikəsi bəyjiko,jıqo bızın həmmə millətış bəyji kardə.- kəlomiku mənzur və məğsəd çiçe?İmomi(ə) cəvobış doe və hamyəşe:yəni əy çı sutey ya ğərğ bıey ya rıjiyə vırə jiyədə mandey ya vəhşiyə heyvoniku ozodko və ya inki,əy zəmonətko ta be hetiyoc bıbu.yaanki,əy fəğrətiku bə ğina və be etiyocəti bırosno və çımon həmməysə vey çokə qıləyni ıme ki,əy çı zəlolət və qim kardeyku bə hərəbaxtəti rosnedə.binobərin ikəs ki,cokəson çı cəholət və nodonətiku bə elmi səmt iyən kufriku bə imoni səmt rahnuma kardedə.həyğətədə de Xıdovəndi Bayisi ismi təcəlli pəydu kardey nuyə həyot və pokə jimon bəvon ətoş kardə.çoko ki,arifon votedən:bandəon miyono əkəs bayise ki,çı insonon himməti bə tohidi səmt sovğ iyən hidoyət kardedə və əvoni çı kəbirə qınonku və yavə sıfətonku bə diyəro oqətə holədə,bə dıjdə koon səmt vanq jeydə və bevəcə vəsvəsəon çəvon ğəlb iyən dılonku bərtərəf kardedə.....