İlahi əsma və nomon

İlahi əsma və nomon

İlahi əsma və nomonku coqıləyni Vəkile.Vəkil ərəbi ədədbiyyotədə həm faili ğolibədə və həmən məfuli ğolibədə oko doey beydə.faili holətədə hafiz iyən hıvoskə mənoədəy və məfuli ğolibədə ikəsi mənoədəy ki,etımod iyən peştıpurəti cəhətədə koon bəçəy ehdə noey beydə.ehanə ikəs qıləy koş bıbu və qıləy təkyəco dumo bıbu ta de bəy təkyə kardey iyən koon bəçəy ehdə noey bə qıləy xotırcəməti iyən oroməti dast pəydu kardedə.fəğət Vəkile ki,jıqo qıləy fərdi təkyəco beydə ta çəy koon bə qıləy çokə ağıbəti bırəso.Xıdovəndi  Vəkil bıey həm bo koon deçəy dasti bə ehdə noeyro etımod kardəninə kəse.əv qıləy etımod kardəninə Vəkili şərayitiku de vey çokə vəchi malike.bo vəkolətiro iminə lozım bıə şərayit həyot iyən jimone ki,komilə formədə Xıdovəndədə mevcude.çun Xıdovənd nəyinki,bəyjiye,bəlkəm həm əv foni həm beydəni.bəçəy xoto dayima qıləy problem nıbə holədə və de qıləy komilə peştıpurəti bəy təkyə kardey bəbe.elm iyən aqahəti həm çı qıləy çokə vəkili şərtonkuye ki,Xıdovənde-Aləm həmməysə komilə elm çəy ixtoyorədəy.əv bəştə bandəon həmmə ehtiyoc iyən tələbon və çəvon maneəon bərtərəf kardeyku aqaqh və xəbədoye.həmməysə vey muhim çı Vəkili ğudrət iyən zuye ta əv kardey bızıno bəy aspardey bıə koon de ləyoğətinə formə bə vırə bırosno.jıqo qıləy ləyoğət vey barzə səviyyədə fəğət Xıdovənde-Aləmədə mevcude.çun cokəson ociz,çəvon ğudrəton məhdud və tənəzzul pəydu kardedə.iruj bə ğudrəti kursi təkyə jeydə və coqlə ruji suğut kardedə.eqınedə.qıləy ruj bə nazo-nemət,ğudrət iyən sərvəti ğərğ beydə və coqlə ruji bə fəğırəti iyən fəlokəti dıço beydə.əmmo Xıdovənde-Xalığ çı osmonon iyən zəmini hukmronəti soybe və Əv bə həmmə çi qıləy ğudrət iyən seytərəş heste və çəy koonədə hiç qıləy zəyifəti iyən sıstəti mevcud ni.bəçəy xotoye ki,İsra mıborəkə surə 65-ə şərifə ayədə omə:və kəfa birəbbikəi vəkila.ıştı pərvərdıqor bo himoyə iyən muhafizəro kifoyət lardedə......

Vəkil İlahi kitobədə vistı ço kərə zikr bıə ki,bəvon həmmədə təkid kardedə ki,bp insoni həyğiyə vəkil fəğət və fəğət Xıdoye.odəmi dığğəti cəlb kardə çi ıme ki,İslomi azizə-qramiyə peyğombər(s) risoləti koyədıə deməkə ki,qıləy barzə şə`n və məğamış heste,Xıdovəndi ə həzrətış bo milləti vəkil ğərolış doəni.çoko ki, İsra mıborəkə surə 54-ə şərifə ayədə hamyedə:və ma ərsalnakə ələyhim vəkila...əmə tımon boəvon vəkil vığandəmon ni.həlbəttə ın mənoədə ki,ğərəz Xıdovənde-Mutəali hiçkəs mıstəğilə formədə bo cokəsi vəkil iyən təkyəco bıey imkonış ni.əgər jıqo nıbu dığğət karedy lozıme ki,həmmə koon nəhoyətən bə Xıdovəndi səmt oqardedə.qıləy işkol iyən irod ni ki,bıvotəmon Xıdovənd kali qıləyni bo bəzi qıləyni koon vəkil kardedə......