De Kərbəlo kərvoni-2
De Kərbəlo kərvoni-2
Aşurə vağiyə çı həxı de botıli miyono bıə mislış nıbə hodisəy.boçəy xoto aləmi həxtələbon harco həm bıon,çəvon nəzə bə Kərbəlo səmte və çı İmom Huseyni(ə) sıə xuniku hozzıəti iyən mıborizə dərsi omuteydən.bə Kərbəlo macəro həzo səmtiku təmşo kardey bəbe və çı har zaviyə və cəhətiku qıləy tojə iyən nuyə dərs omutey bəbe.
Həccar ibn Əhcər İcli Kərbəlo cərəyoni şəxsiyyətonku qıləyniye ki,çı umər sədi ləşkəri miyono qıləy kıncədə mandəbe.Həccar çandə soron bənav qıləy xıyzonədə bə dınyo ome ki,əvon həmmə məsihi iyən xristiyan bin və jəqo həm mandin.əmmo əv ıştə dinış əvəz karde və mısılmon be. dıminə xəlifə devronədə deştə pı bə Mədinə şəhri ome,bə xəlifə vindemon şe və əyo şəhodəeynış vote,mısılmon be.əv ın şucoət iyən həxtələbəti ruhiyyəş hestebe ki,çəy aylə din iyən ayiniku tafutin bıə qıləy dini intixobko,bıvıjno.Həccar Hicri-Ğəməri 40-ə sori Rəməzonə manqədə Əmirəl-Muminin həzrət Əli(ə) şəhodəti zəmonədə Kufə şəhrədə be və bəştı pı çı dasto doey xoto doğdor və ğəmqin be.bə rujonədə Həccar çı qıləy tojə mısılmonə cıvoniku bə qıləy mısılmonə merdi təbdil bıəbe.joqo ki,boçəy dədə təşyi cənozəro həm mısılmınon və həmən məsihiyon cəm bıəbin.məsihi iyən xristiyanon bəçəy pı dini xoto və mısılmınon bə Həccari ehtıromi xoto. Əmirəl-Muminin həzrət Əli(ə) şəhodəti bəpeştə Həccar çı viloyəti cəbhədə baği mande.əv de İmom Həsəni(ə) bə ico be,de ə həzrəti fərmoni şımşiş peqəte və çı İmomi(ə) kəno bənə qıləy komandir və fərmondoron rolış ifo karde.
Əmmo muaviyə xeyli punhoni de İmom Həsəni(ə) ləşkəri komandiron mızokirəş barde və bo hakəsi mizi piyo qıləy təklifış no.əvvəl çı muoviyə ləşkəri fərmondorəti ki,qıləy muhimmə baxşonku bə hisob omeydəbe.boçi ki,muoviyə ləşkər vey dıjd be.dıminə qıləyni de moviyə kinonku qıləyni izdivoc be ki,bo veyə fərdon qıləy dast nırəsə oruzu be və çəy kənodə həm ziyodə etıboronış hestebe.yəni həm ğudrət və həmən sərvət.seminə qıləyni çandə həzo dirhəm nağdə pul ki,bə xilofəti sistemi nez nıbə holədə həm boştə iyən boştə fərzəndon qıləy əmnə vəomə və ayəndə təzmin kardey əzınin.
Çı mıoviyə təklifi sufrə çı İmom Həsəni(ə) hərbi komandiron mığobilədə noə və oj bıə zəmonədə,bo həmmə kəsi nıvotə holədə məlum be.ehanə qıləy canq bə əməl omıəbe,ziyodə mısılmınon xunon ruəbi və nəhoyətədə həm mıoviyə ğalib əvoy.çun həm qıləy dıjdə ləşkərış hestebe və həmən iştimoyi fikonış bəştə səmtış vardəşbe.hətto çın canqi çandə soron bənav həm ki,de Əmirəl-Muminin həzrət Əli(ə) canq kardedəbe və çə həzrəti ləşkəri fərmondə Malik Əştər canqi bəşştə nəf və xəyri təmom kardedəbe,Həccari qıləy fikış karde və çı mıoviyə pişnohod və təklifonış ğəbul karde və bə İmom Həsəni(ə) ələyh ğıyomış karde.
