Kərbəlo de co qıləy rəvoyəti-2

Kərbəlo de co qıləy rəvoyəti

Məhərrəmə manqi sədo və vanq omeydə.quşon çı Huseyni kərvoni sədo məseydən.Əmr ibn Ğeys Məşrıği coyli omənıbe.çəy kəno çəy amuyəzo həm nıştəbe.har dıqləyni de ədəb-ərkoni nıştəbin və çəvon dimədə qıləy təbəssım hestebe və əvon ıştə dılədə şo və xoşhol bin ki,behisob iyən bekitobə rujqori çəvon roonış de peyğombəri(s) fərzəndi bə iqlə noxtə bardəşbe.Əmri səlomış kardə be və səlomış məsəbe.ıştəku qıləy çi noəş nıbe ki,İmomi(ə) ıştə nəzəş bə Əmri səğandəşbe: Əmr tı bo bəmə koməq kardero iyo oməş?zəmon mandəbe.jıqo bızın çı xeyməku bə kəno həmmə zəmin iyən zəmoni ıştə nəfəsışon ıştə sinoədə oqətəşonbe və həmmə çiyon qıləy dırozə məksışon kardəbe,mandəbe.ne!Əmr hənuz və ijən çı İmomi(ə) sıvoliku heyrətədə mandəbe.çəy amuyəzo lıve və hərəkətış karde.Əmri voteşe:əğə zıneydon.çəmə ziyodə hırdənon hestemone.ıştə qəvi ovış saru rukardeşe.ıştə nəzə vırə bə vırə kardedəbe.ın şatur və asbon ki,hesteme,çı məxloğiye. əğə! Əmri bə ikərə məseşe ki,ğərğ bıə sukuti dılədə çı hırdənon sədo omeydə.rukə kinon sədo ki,çı coduon peştono de zoə hırdəon hənək kardedəbin.voteşe:çok vəzyət noməlume,şımə ıştən zıneydon ki,şımə tale məlum ni ki,ğərole bə kom vırə bırəso.Əmri həmonə zəmon ki,sıxan kardedəbe,həmonə zəmon ki,səy kardedəbe qıləy uzr biyo və ge ə həzrəti bə ico bıeyku dast bıkəşo.çəy çəşon İmom Huseynış(ə) vinde və çı İmomi(ə) çəkuti piyo bıə xəttonış mışohidə karde və vindeşe ki,ə həzrəti lıputon de zikri məşğulin.İmomi(ə) jıqo bızın ki,qıləy çorəş nıbe və əv həm deştə har qıləy cumlə İmomi(ə) vey məyus kardedəbe.voteşe:mı çı milləti molon zaminin və şımə zıneydon ki,bəpe çəvonku mığət bıbum ta bəvon qıləy ziyon nırəso.İmomi(ə) çehrə bəyənde qıniye.Əmr fameşe ki,çəy amyuəzo hənuz və de tobə ısət sakit mandə.İmom(ə) orom, aşmarde-aşmarde və qıləy tərzədə ki,çəvon har dıqləyni bıməson,hamyeşe:bışənən!çandə zuon vışkiyedə bə diyəroə vıron bışənən.Əmri con sard bıəbe.çəy amyuəzo dılış hestebe qıləy çi bıvoto.İmomi(ə) hamyeşe:çımı koməq tələb kardey sədo bə qırd ım səhro pevolo bəbe.şımə əxtə və andədə bə diyəro bışənən ki,nə mıku iyən çımı kərvoniku qıləy nışonə bıvindənən və nə çımı sədo bıməsənən.İmom Huseyn(ə) bəsə poysə əhışte və Əmr iyən çəy amyuəzo həm əhıştin.şımə yodo bımando ki,hakəs çımı sədo bıməso və bəmı koməq nıko,de zılləti bə cəhəndım bəşe.bə diyəro,bə vey diyəro bışənən.Əmr peşmon be və dəmandəbe.harçi icur bənav şeydəbe ki,əv çəş kardedənıbe.çəy amyuəzo çı İmom Huseyni(ə) xeyməku xaric be,əmmo Əmr mande.Əmri voteşe:əğə bahaşt bıdə az deşmə beyətkom.bıdə mı deşmə bə ico canq bıkom.peşo lıski ahəstə və qədə-qədə dəvomış doe.əmmo çanədə ki,çımı mandey və canq kardey boşmə foydənine,bıdə az bımandom.peşo ehanə ko bə qıləy vırə rəse ki,çımı dastiku bo canqi tale əvəz kardero qıləy koməq nıvo,az bəşem.İmomi(ə) qıləy nəzəş karde.nimə təbbəssım kardə holədə ıştə səş oşande və şe....