Kərbəlo de co qıləy rəvoyəti-3

Kərbəlo de co qıləy rəvoyəti

Məhərrəmə manq deştə məxsusə hol-həvo çı insoni vucudiku qıləy erjinə məfhumon bə yod dənoydə ki,çın həmmə məhfumon sədə çı şəhidon İmom həzrəte Əbaəbdullah(ə) dəvəşeydə:” Heyhatə minnəzzillə” .məhal iyən ğeyri mumkine əmə zılləti ğəbulkəmon.qıləy şuor ki,bo qıləy hədəfinə jimoniro çı təfəkkur və fik-fami mərkəze.Kərbəlo rəvoyət qıləy rəvoyəte ki,de torıxi hevujəti və həmmə zəmoni dırozi ki,hestemoni aləmədə cari bıə.qıləy rəvoyət ki,qahi zəmon çı zəmini zıvoniku əy məseydəş və qahi zəmon həm çı Furati ovi zıvoniku və qahi vaxti həm çı Aşurə osmoni zıvoniku.

Torıxi nıvıştəşe ki,xuli(xuli ibn yəzid əsbəhi) həmonə Aşurə ruji hələ çı canqiku ləşkəri akon hışk bıənıbe,ıştə asbış bə Kufə səmt tojneşe və şəv əyo rəse.torıxi nıvıştəşe ki,xuli coyli nıbe və vıştəşone ki,de tosə Kufə çokərə asbi nolış əvəz karde və peşo kuçə bə kuçə tosə darul-hukumə rəse.Kərbəloku de tobə Kufə xuli çı Ğıroni sədoş nıməse.həmmə məsir iyən royədə çı telı və zəri sikkəon sədo xəyol çəy quşədə be.torıx xuli çok zıneydəbe.zıneydəbe ki,çəy dıli piyeye ım be ki, əv iminə kəs bıbu ki,çı Kərbəlo xəbon bə Kufə şəhri bırosno.çəy bo mıjdəvoni sıeyro bıə səyon çı zıneydəbe.torıxi viro beşəni ki,xuli bə Kufə rəse və ğərəz çandə qılə hıvoskə ikəs şəhrədə bəçəş çiyedə nıbe.əv şəv xeyli çı darul-hukumə bastə bıə bəon peştono mandəbe və lovə kardedəbe ki,əy bə dılə vobıdon.imorəti bə bəçəy dimi oj nıkardey bədiqə,bə kə səmt hərəkətış karde,əmmo ijən çı Kərimə-Ğıroni sədoş nıməse.tırox nışon doydə ki,xuli şəv ıştə kədə mande və tosə maştə dast vəhşət və tarsi hani əvış nıbarde.hejo oruzu kardə çı ranqinə tel və zəri fikədə be. Torıxi nıvıştəşe ki,xuliikəy bətərəf çəy jimoni həmro həm həzo kərə istiğfor kardedəbe və əzo dəfə bə xuli lənət handedəbe və həz kərə həm bəştə nifin kardedəbe.çumçukoxuli daston iyən çəşon xunin be.torıx bın şəvədə fəğət çı tənu rozəş hande və fəğət çı otəşi xokikuş vote və de tobə sıbi vaxti ayə bə ayə Ğıronikuş tilovət karde,hande.”vəssəlamu ələyyə yəvmə vuliddtu və yəvmə əmutu və yəvmə əbəsu həyya”.torıx de tobə sıbi zəmoni çı xuli jimoni həmro daston kəno nıştəbe və qardı-xoki çı mehmoni səyku iyən xuni çəy surətiku pok kardedəbe....

Torıx yonzəminə ruji qıləy kəno nıştəbe və bəsə bımyonsə çı umər sə`di ləşkəri nımojış vinde. umər vədə mandəbe.iqədəm bənav cənozəon çı cəzonəzon kəno dəvoştə bıəbe və çəy peştono bıə ləşkər həm çəy bədiqə təkbirışon vore və peşo bə Xıdo vohidəti iyən bə peyğombəri risoləti şoydəti doşone.torıxi vindəşni əmmo uməri xəyol bə ikkərə pur be de Huseyni bıə xotırəon. hırdənəti rujonku ki,Mədinə şəhrədə de peyğombəri(s) nəvə bə ico hənək kardey ləyoğətış pəydu kardəşbe.təlbirış vote və peşo bə peyğombəri(s) salavatış vığande.