Ğıroni şua jiyədə,Huseyniyə həyəcon
Ğıroni şua jiyədə,Huseyniyə həyəcon
Ğıroni şua jiyədə,Huseyniyə həyəcon
Dəvardə haftonədə isveçədə qıləy radikalə fərd ijən bə Kərimə-Ğıroni be ehtıromətiş karde və boyis be İslomi iyən ərəbi mıxtlifə kişfəronədə çı reaksiyə iyən məhkumiyyəti ləpəş hevujış karde.joqo ki,millət de təkidi çın kişfəronku çı isveçi səfiron bekardey iyən bə isveçi devləti siyosi və ixtisodi cəhəto sanksiyə noey tələbışon karde.
Tir manqi 29 ya iyulə manqi 20-ə ruji dəvardə çandə haftə dırozi bo dıminə kərə isveçi 37 sornə şəhrvand bıə salivan momika de çın kişfəri polisi himoyə bə Kərimə-Ğıroni ihonətış karde.isveçi devləti ın himoyə bo dınyo mısılmınon həni hiç qıləy şəkki vırəş baği nıhaşte ki,isveçi devlət çı İslomi çehrə xərob kardey senari əsliyə aktyore.çəy bədiqə çın seryaliyə ihonəton dəvomədə danimarkədə həm qıləy radikalə rostə cərəyonde qıləy ihonətamizə hərəkəti çı Kərimə-Ğıroni iqlə nusxəş danimarkə poytaxt kopenhagen şəhrədə və İraği səfərotxonə mığobilədə sutuneşone....
Harçənd islomifobon ın ihonətamizə hərəkəton bə mısılmınon miyono qıləy umum ğəzəbi səbəb beydə,əmmo bə çandə milıyon insonon vəhdəti boyisy beydə ta əvon boştəö dini bovə və mığəddəsoton mıdofiyəro,qlobal səviyədə qıləy strategiyə bıvıjnon.bəziyon beynəlxalğə səviyyədə Kərimə-Ğıroni çandə həzo nusxəşon bə isveç vığandeşone və kali qıləyniyon həm bo Ğıroni handeyro ziyodə həvəsış pəydu karde.dınyo iyən paraolempiyadə ğəhrəmon bıə Səid Əfruz votedə:az mısobiğon bino bıey bənav,bə Kərimə-Ğıroni ihonət kardey xəbəm hande və ın hədəfım boştə səçınım karde ki,ehanə çempiyon bıbum,Ğıroni handey ko əncom bədom və bə mısılmınon ın mığəddəsə kitobi ehtırom bənom.şık bə Xıdo ki,ın kom bə vırə rosne və çın mığəddəsə kitobi erj və əhəmiyyətım bə həmmə kəson nışonım doe....
In rujon İron İslom Respublikədə milləti de Kərimə-Ğıron iyən Əhli-Byeti(ə) bıə rabitə,qıləy şinə an və ləzonış ofəyə.Huseyni Tasuə və Aşurə rujonədə Huseyni əzodorəti heyətonçı İslomi İroni mıxtəlifə şəhronədə bə Ğıroni be ehıtromətişon məhkum karde,bəy ıştə etırozışon nışon doe və nohə handə kəson ğəhrəmonəti şeeron çı cıvonon miyono çı ğeyrəti rufış pur karde.
İsfəhonədə Huseyni-Fədayion heyətədə Seyd Rıza Nərimoni Ğıronış bə dast peqəte və qıləy həyəcon ofəyə səhnəş bə vucud varde.əv bə Ğıroni ihonətamizə hərəkəti məhkum kardə holədə, ın İlahi kitobış bə həşiş təşbih karde ki,de bəy otş jıey əv çı miyoniku şeydəni.çıro ki,Xıdovənde-Aləm ıştən Kərimə-Ğıronış qıləy ruşinəkə nurış hisob kardə.joqo ki,Mayidə mıborəkə surə 15-ə şərifə ayədə hamyedə:”ğəd caəkum minəllahi nurun və kitabun mubin”.
Beşək Xıdo tərəfiku boşmə nur iyən qıləy ruşinəkə kitob omə.Ğıron çı nur bıeysə əlovə,bə nur iyən ruşinəti səmt həm hidoyət kardedə.....
