Теҳрон жума намози хутбалари
Исломий Эрон минтақа мамлакатларининг қудратли биродаридир
Теҳрон жума намозининг муваққат имом хатиби Оятуллоҳ Саййид Аҳмад Хотамий бугунги хутбаларда АҚШнинг янги президенти Доналд Трамп фаолият бошлаганидан кейин минтақада Эрондан қўрқитиш ҳаракатлари ошганига ишора этиб таъкидлади: Минтақа мамлакатларининг раҳбарлари билишлари лозимки, Америка фақат улардан фойдаланиш пайидандир ва Ироқнинг собиқ диктатори Саддамга ўхшаб, уларни ҳам бир куни четга суриб қўяди.
Имом хатиб Америка минтақа мамлакатларини бўлиб ташлаш пайида эканлигини ҳам баён этиб, илова қилди: Минтақа мамлакатлари америкаликларнинг ушбу фитналарига очиқ кўз билан қарашлари лозим.
Саййид Аҳмад Хотамийга кўра, агар Эрон бўлмаганида, ИШИД террорчи гуруҳи бугун Ироқ, Сурия ва Ливанда ҳукумат ташкил этган бўларди.
Теҳрон жума намозининг муваққат имом хатиби, жумладан, Сурияда учиш ман этиш минтақасини яратишдан Америка ва унинг иттифоқчиларининиг мақсади қочқинларлар жойи эмас, балки мазкур минтақада террорчиларга бошпана бериб, Сурияни бўлиб ташлаш эканлигини ҳам баён қилди.
