Ҳасан Руҳоний: АҚШнинг Сурияга қилган ҳужуми террорчиларнинг ўчини олишга қаратилган
-
Ҳасан Руҳоний: АҚШнинг Сурияга қилган ҳужуми террорчиларнинг ўчини олишга қаратилган
Эрон президенти Ҳасан Руҳоний АҚШнинг Сурияга қилган ракета ҳужуми халқаро ҳуқуқларни бузиш ҳисобланади ва ушбу ҳужум Суриядаги можароларни бартараф этишга қаратилган тинчлик музокараларини барҳам берди
Эрон ислом жумҳурияти президенти Американинг Сурияга қарата амалга оширган ракета ҳужумини кескин қоралаш билан шундай айтдики, ушбу ҳужум Суриядаги террорчиларнинг мағлуб бўлганлиги ортидан ўч олиш бўлиб, террорчиларни ушбу мамлакатда ўз жиноятларини давом эттиришлари учун ташвиқот бўлди. Эрон ислом жумҳурияти президенти Ҳасан Руҳоний бугун душанба куни маҳаллий ва хорижий мухбирлар билан ўтказган суҳбатида, АҚШнинг Сурияга қилган ракета ҳужуми халқаро ҳуқуқларни бузиш ҳисобланади ва ушбу ҳужум Суриядаги можароларни бартараф этишга қаратилган тинчлик музокараларини барҳам берди ҳамда террорчиларнинг янада кучайиб кетишларига туртки берди деб таъкидлади. Эрон президентига кўра, жаҳоннинг турли мамлакатларида содир этилаётган террорчилик ҳаракатлари, ҳеч қайси бир давлатнинг ҳатто ушбу террорчилик гуруҳларига хомийлик қиладиганларга ҳам фойдаси йўқлигини яна бир бор исботлади. Эрон президенти Ҳасан Руҳонийнинг таъкидлашича, Суриядаги химиявий қуролларнинг ишлатилгани ҳақидаги мавзуни ўрганиб чиқиш учун бетараф мамлакатлар иштирокида халқаро тадқиқот комитетини ташкил этиб, террорчилар химиявий аслаҳалардан фойдаланганини тасдиқлашлари керак. Агар террорчиларнинг ушбу тақиқланган қуролларни қўллашгани тасдиқланса, унда Америка давлати халқаро ҳамжамиятга жавоб беришини ҳам кўриб чиқиш талаб этилади.
