Баҳром Қосемий: Форс кўрфази жанубидаги қўшнилар осойишталик учун ҳаракат қилишлари керак
-
Баҳром Қосемий: Форс кўрфази жанубидаги қўшнилар осойишталик учун ҳаракат қилишлари керак
Эрон ислом жумҳурияти Форс кўрфазининг жанубидаги ўз қўшниларидан минтақадаги аччиқ тажрибалардан ибрат олиб, ҳиссиётга берилмасдан, ақл ва тадбир билан иш юртишларини истайди
Эрон ташқи ишлар вазирлиги матбуот котибига кўра, Эрон ислом жумҳурияти Форс кўрфазининг жанубидаги ўз қўшниларидан минтақадаги аччиқ тажрибалардан ибрат олиб, ҳиссиётга берилмасдан, ақл ва тадбир билан иш юртишларини истайди ҳамда кескинликни юмшатиш йўлида вазминлик қилиш ва тинчликни таъминлаш учун ҳаракат қилишларининг тарафдоридир. Эрон ташқи ишлар вазирлиги матбуот котиби Баҳром Қосемий бугун душанба кунги чиқишида Форс кўрфазидаги Эроннинг жанубий қўшнилари ўртасида юзага келган кескинликка ишора қилиб, охирги воқеалар хусусида хавотирланиш билдириб, ушбу кескинликнинг ҳал этилишига умидворлик билдирди. Баҳром Қосемийга кўра, терроризм ва экстремизм бўҳронининг кенгаётган даврида ҳамда сионистик режим томонидан Фаластин юртини ишғол этиш ҳаракатларининг давом этишидан минтақа ва жаҳон халқлари азият чекаётган бир пайтда, қўшни давлатлар ўртасидаги алоқаларда кескинликнинг шиддатли тус олиши, минтақа халқларига ёки ҳеч қайси бир давлатга фойда келтирмайди ҳамда ушбу кескин вазият барчанинг манфаатларига таҳдид қилади.
