Баҳром Қосемий: Минтақа халқлари терроризм балосига қарши тинимсиз кураш олиб боришлари керак

Маккадаги Масжид Ал-Ҳаромда содир этилмоқчи бўлган теракт олди олинди

Эрон ташқи ишлар вазирлиги матбуот котиби Масжидул Ҳаромдаги террорчилик ҳужумини кескин қоралаб, минтақанинг барча халқларини ушбу террорчиликнинг шум балосига қарши тўхтовсиз кураш олиб боришга ва ҳушёрликка чақирди. 

Саудия арабистони ички ишлар вазирлиги жума куни масжидул Ҳаромда террорчилик ҳаракатларини бартараф этгани ҳақида хабар берди. Эрон ташқи ишлар вазирлиги матбуот котиби Баҳром Қосемий бугунги чиқишида шундай айтдики, Байтуллоҳга қарата ҳужум қилишни режалаштириган террорчиларнинг амалиёти барҳам берилиши, шуни яна бир бор кўрсатмоқдаки, террорчиларда дин, мазҳаб йўқ бўлиб, уларга миллат, ирқ ва юртнинг фарқи йўқ. Террорчилар бутун дунёни, исломий мамлакатларни ва мусулмонларни нишонга олади.

Маккада террорчининг қўлга олиниши вақтида 6 нафар хорижлик зиёратчи жароҳат олди, деб маълум қилди Саудия Арабистони ички ишлари вазирлигининг баёнотида.   

Полиция маълумотларига кўра, террорчи-худкуш мусулмон дунёсининг энг муқаддас қадамжоси – Масжид Ал-Ҳаромда Рамазон ойининг охирги жумасида у ерга кўплаб зиёратчилар йиғилганда теракт амалга оширмоқчи бўлган. 

Ички ишлар идоралари вакилининг айтишича, улар Муқаддас масжид, зиёратчилар ва ибодатга келганларни нишонга олган террорчиларнинг режаларини барбод қилишга муваффақ бўлишган. Террорчи рейд давомида Макканинг Ажяд даҳасидаги уйлардан бирида яширинишга уринган. У хавфсизлик кучларининг таслим бўлиш талабига жавобан уларга қарата ўқ узган. Сўнгра ўзини портлатиб юборган.

Маълум қилинишича, террорчи яширинмоқчи бўлган уй портлаш оқибатида қисман шикастланган, террорчи у ерда гаровга олган 6 зиёратчи жароҳат олган. Операция давомида шунингдек 5 полициячи жароҳат олган.

Саудия хавфсизлик кучлари умумий ҳисобда Маккада ҳаракат қилувчи иккита гуруҳ, Жиддада эса яна битта гуруҳни аниқлашга муваффақ бўлишган. Рейдлар давомида террорчиликда гумон қилинган 5 киши, жумладан бир аёл қўлга олинган.