Исломий инқилоб муаззам раҳбарининг АҚШ президентининг қилмишларини таҳлил этиши

Исломий инқилоб муаззам раҳбари Оятуллоҳ Хоманаий ҳазратлари кеча чоршанба куни эрталаб ўқитувчилар ҳафталиги муносабати билан Фарҳангиён Университетига ташриф буюрдилар ҳамда минглаб талабалар ва ўқитувчилар билан учрашди

    Меҳрибон ва раҳмли Аллоҳ номи билан. 

     Ассалому алайкум, қадрли тингловчилар.

     Таҳлилий эшиттиришнинг бугунги сонини эътиборингизга ҳавола этаман.  

     Бугунги  суҳбатимиз "Исломий инқилоб муаззам раҳбарининг АҚШ президентининг қилмишларини таҳлил этиши”га доир мавзуга бағишланади.     

     Эшиттиришимизни охиригача бизга ҳамроҳлик қиласиз деган умиддамиз.

     Исломий инқилоб муаззам раҳбари Оятуллоҳ Хоманаий ҳазратлари кеча чоршанба куни эрталаб ўқитувчилар ҳафталиги муносабати билан Фарҳангиён Университетига ташриф буюрдилар ҳамда минглаб талабалар ва ўқитувчилар билан учрашган чоғларида Америка ва Эрон ядровий келишувининг муҳим жиҳатларини баён қилиб бердилар. Исломий инқилоб муаззам раҳбари Америка қўшма штатлари  президенти Доналд Трампнинг сешанба кунги чиқишида билдирган шармандали ва енгилтаклик нутқига ишора қилиб шундай айтдиларки, бу киши ўнлаб ошкора ёлғонларни ишлатишдан ташқари, Эрон миллатига ва исломий жумҳуриятга таҳдид ҳам қилди. Шунинг учун мен Эрон халқи номидан унга сиз номаъқул иш қилияпсиз деб айтаман. Ул ҳазрат Америка масаласини муҳим ва жиддий масала дея атадилар. Исломий инқилоб муаззам раҳбарининг  таъкидлашича, америкаликларнинг доимий ва кенг қамровли душманликлари мен билан ёки мамлакатнинг бошқа масъуллари билан чекланиб қолмайди балки, исломий тизим мажмуаси ва миллатга қарши хусумат кўрсатмоқдаки, бунинг ортидан ушбу тизимни танлаб олган ва ушбу йўлда ҳаракат қилади. 

     Исломий инқилоб муаззам раҳбари Американинг Эроннинг минтақадаги иштироки ва мудофаа қудрати ҳақидаги баҳоналарига ишора қилиб шундай таъкидладиларки, агар эртага бошқа ракета ишлаб чиқармаймиз ёки бўлмасам ракетанинг узоққа бориш масофасини чеклаб қўямиз десангиз ҳам, ушбу масала тамом бўлмайди ва шубҳасизки, яна бошқа мавзу ва баҳонани топиб муҳокама қилишни бошлашади. Негаки, уларнинг биз билан даъволари фундаментал бўлиб, Америка Исломий жумҳуриятининг принципларига қаршилик қилади. Ул ҳазрат Американинг ушбу душманлигининг асосий сабаби деб Исломий инқилоб ғалабаси, исломий жумҳуриятнинг ташкил этилгани ва америкаликларнинг Эрондан қўли калта бўлгани деб атадилар ва шундай қўшимча қилиб ўтдиларки, улар тизимни йўқ қилиб, бошқатдан Эрон ислом жумҳурияти устидан ҳукмронликни ўрнатишни ва Эроннинг бойликларини талон-тарож қилишни кўзлашмоқда. АҚШ ўтган қирқ йил давомида Эрон ислом жумҳуриятининг мустақил тизимига қарши кураш учун турли усуллардан ва методлардан фойдаланди. 

      Исломий инқилоб муаззам раҳбарининг қўшимча қилишича, америкаликлар минтақадаги айрим мамлакатларнинг ҳукмронлари сингари итоат қиладиган хизматкорларни исташади. Аммо, исломий жумҳурият ўз иззатини ва Эрон миллатини уларнинг қўлига топшириб қўймайди. Шунинг учун ушбу буюклик ва иззат уларга унчалик ҳам ёқмайди. Исломий инқилоб муаззам раҳбари Трампнинг қўрс ва шармандали ҳатти-ҳаракатлари ва қилмишларини кутилгандек бўлганлигига ишора қилиб шундай айтдиларки, кимки ўша хусуматларни Эрон миллатига қарата амалга оширган бўлса, эндиликда улар йўқ бўлиб кетишди. Бироқ Исломий жумҳурият ҳали ҳануз мустаҳкам ва барқарор турибди. Шунингдек, ушбу даврда ҳам Американинг ядровий келишуви бўйича стратегияси минтақавий алоқалар ва Эроннинг халқаро муносабатларда айниқса Европа иттифоқи билан муносабатларида диққат марказидан жой олди. Трамп шу каби ҳатти-ҳаракатларни амалга ошириш ва аблахона позицияси билан шуни кўрсатдики, ўтмишдан хулоса чиқариб, Эрон ҳамда Американинг ҳолатини реал қараш билан ёндашиш нуқтаи назарига эга эмас экан.

     Негаки, Эрон юрти Исломий инқилоб муаззам раҳбарининг таъбири билан айтганда Барак Абама Американинг зўравонлик кучини кўрсатган пайтда ҳам чўчимаган ва парвосига ҳам олмаган эди. Бугунги кунда ҳам Трампнинг таҳдидлари Эрон миллатини қўрқита олмайди. Оятуллоҳ Хоманаий ҳазратлари бу ҳақда шундай айтдиларки, ҳатто Барак Абама давлатида номалар ёзиб зўравонлик ва таҳдид қилишар эди. Ҳақиқат шундаки, Американинг Эрон ислом жумҳурияти билан муаммоси ва асосий масаласи Эроннинг минтақадаги иқтидор билан иштирок этиши бўлиб, уларнинг яккаҳукмронлик йўлларини тўсиб қўйди. Эрон мамлакати Америка, Исроил ва Саудия арабистонига ўзларининг шум мақсадларини амалга оширишларига рухсат бермайди. Чунки, Эрон миллати Американинг мустабидлик моҳиятини билиб олган. Америка қўшма штатларининг ядровий келишувдан чиқиши ҳам бир ёқламали кўрилган масала бўлиб, шубҳасизки, Исломий инқилоб муаззам раҳбарининг кечаги баёнотида ядровий келишув моҳияти хусусида ва Европанинг ҳаракатлари ҳақида алоҳида таъкидлаб ўтишларини жиддий огоҳлантириш дея талқин қилиш лозим бўлади.

     Исломий инқилоб муаззам раҳбари ядровий келишувни Европанинг учта мамлакати билан давом эттириш ҳақида сўзларга ишора қилиб шундай таъкидладиларки, Европанинг учта мамлакати билан музокара ўтказишга асло ишониб бўлмайди ва ҳар бир келишув учун ҳақиқий  ва амалий кафолатларни олинглар. Бўлмаса, ушбу шаклда ҳаракатни давом эттириб бўлмайди. Шубҳасизки, агар Европа давлатлари Америка истаклари ва иддаоларига жавоб қайтариш учун ҳаракат қилаётгандек кўрсатиш мақсадида Эрон билан музокара ўтказмоқчи бўлса, демак улар Американинг баёнотларига ва талабларига эргашаётган бўлади. Албатта Европа иттифоқи ўзининг сиёсатларини мустақил равишда олиб бораётганлигини кўрсатмоқда. Лекин, бу ҳаракатлар фақат оғзаки чиқишларда эмас, балки амалда ҳам ўз исботини топиши керак.

     Муҳтарам тингловчилар, " Таҳлилий эшиттиришга" ажратилган вақт ўз ниҳоясига етди. Дастурларимиз давом этади. Мен эса сизлар билан хайрлашаман. Яна радио тўлқинларида учрашгунча хайр, меҳрибон ва раҳимли аллоҳ паноҳида қолинг.