Рамазон табриги

Эрон ислом жумҳуриятининг Ўзбек тилидаги халқаро радиоси  муқаддас Рамазон ойининг кириб келиши билан бутун дунё мусулмонларини шу жумладан Ўзбекистон халқини табриклайди ва рамазон ойининг бутун дунёда  хавфсиз, тинч-тотув ва осойишта ўтишини тилаб қолади

Қалбимизга шодлик, кўзимизга нур, дастурхонларга барака, оиламизга тинчлик неъматларини олиб келувчи Рамазон муборак бўлсин!   

Марҳаматли Аллоҳ эзгуликка тўла қалбларимизни мудом офият, шукр, Ҳақ йўлида собитқадамлик билан сийласин! Орзу-ниятларимиз ижобатини зиёдаси билан туҳфа этсин!   

Ана шундай иймон байрами, Қуръон байрами бўлмиш бу файзли ой барчамизга муборак бўлсин, азизлар!

Аллоҳ таоло моҳи Рамазоннинг шарофати билан, саҳарлигу ифторларда қилинган холис дуоларимиз баракоти билан эл-юртимизни тинчу хотиржам қилсин, иймон эътиқодимизни мустаҳкам қилсин, ҳаётимизни баракотли, дастурхонимизни тўкин-сочин қилсин!

Жорий йилда Рамазон ойи бошланиши 17 май кунига тўғри келди.