Эрон ташқи ишлар вазирлиги матбуот котиби Қримдаги коллежда юз берган фожиага муносабат билдирди
-
Эрон ташқи ишлар вазирлиги матбуот котиби Қримдаги коллежда юз берган фожиага муносабат билдирди
Баҳром Қосемий Қримнинг Керч политехника коллежида рўй берган портлашда бегуноҳ инсонларнинг ҳаётдан кўз юмишидан афсус эканлигини билдирди ва ушбу мудҳиш фожеада ҳалок бўлганларнинг яқинларига ҳамдардлик изҳор этди
Эрон ташқи ишлар вазирлиги матбуот котиби Баҳром Қосемий Қримнинг Керч политехника коллежида рўй берган портлашда бегуноҳ инсонларнинг ҳаётдан кўз юмишидан афсус эканлигини билдирди ва ушбу мудҳиш фожеада ҳалок бўлганларнинг яқинларига ҳамдардлик изҳор этди.
Қримнинг Керчь шаҳридаги коллежда юз берган отишма оқибатида ҳалок бўлганлар сони 20 кишига етди.
Шунингдек, унинг айтишича, оғир аҳволда қолаётган ўн нафар жабрланувчидан саккиз нафарининг шахсини аниқлашга муваффақ бўлинди.
Қримнинг Керчь шаҳридаги коллежда рўй берган портлаш шу коллежнинг 4-курс талабаси, 22 ёшли Владислав Росляков томонидан содир этилган. Бу ҳақда Қрим раҳбари Сергей Аксенов маълум қилди. Унинг маълум қилишича, Росляков ўзини ўлдирган.
«Қотил ўзини отиб ўлдирган. У шу ўқув муассасасининг 4-курс талабаси бўлган. Қотилнинг жасади иккинчи қаватдаги кутубхонадан топилди», — деган Аксенов.
17 октябрь кунининг биринчи ярмида Керчь шаҳрида портлаш содир этилгани тўғрисида хабарлар тарқалганди. Аввалига коллеж ошхонасида газ баллони портлагани айтилди, кейинроқ ҳудудда теракт содир этилгани маълум қилинди.
Тергов қўмитаси маълумотига кўра, Росляковнинг ҳужуми оқибатида ҳалок бўлганлар сони 17 нафарни ташкил қилди. Ўнлаб кишилар жароҳатланган ҳолда шифохонага ётқизилган.
