Теҳрон жума намозининг хатиби: Мусулмонлар мустабидларнинг фитналарига қарши туришлари керак

Теҳрон жума намозининг муваққат хатиби деди: Мусулмонлар бир жону бир тан бӯлиб, мустабидларнинг фитналарига қарши туришлари, ислом уммати ӯртасида ихтилоф келиб чиқишига йӯл қӯймасликлари керак.

Теҳрон жума намозининг бугунги хутбаларида оятуллоҳ Саййид Аҳмад Хотамий мусулмонлар ӯртасида бирдамликнинг зарурлигини таъкидлаб, илова қилди: Шиа ва сунний мусулмонлар ӯз муштарак жиҳатларига таянган ҳолда ислом душманларига қарши туришлари, улар ӯзаро бирдам бӯлиб,  Американинг оғзига қаттиқ мушт туширишлари лозим.

Оятуллоҳ Хотамий Америка президентининг Эронга қарши баёнотига ишора қилиб, деди:Америка ӯзи террорчи ва террорчиларни етиштирадиган мамлакат. У террорчиларни Сурияга юборди ҳамда ИШИД ва бошқа  террорчи гуруҳларнинг асл ҳомийси бӯлган Саудия Арабистонини ҳимоя қилади.

Теҳрон жума намозининг муваққат хатиби шунингдек, Саудия Арабистони ва унинг ҳомийлари томонидан Яманда амалга оширилган жиноятларга тӯхталиб, қӯшимча қилди: Халқаро ҳамжамият Яман имтиҳонида шарманда бӯлди. У  Оли Сауд ва унинг қонхӯр ҳомийларининг Ямандаги жиноятларини маҳкум қилиш билан чекланди. Ваҳоланки, Саудия Арабистонининг асосий ҳомийси бӯлган Америкага бу қонли жиноятдан қӯл тортгунича босим ӯтказиши зарур.