Руҳоний: Эрон миллатининг қаршилиги душманларнинг мағлубиятига сабаб бўлди
Наврўз байрами муносабати билан йӯллаган мурожаатида Эрон Ислом Жумҳуриятининг Президенти Эрон миллатининг қаршилиги душманларнинг мағлубиятига сабаб бўлганлигини таъкидлади.
Эрон Пресс янгиликлар агентлигининг хабар беришича, Эрон Ислом Жумҳуриятининг Президенти Ҳасан Руҳоний 1400 ҳижрий-шамсий йилнинг бошланиши муносабати билан мурожаатида Навруз байрами ва янги йилнинг кириб келишини табриклади ва Эрон миллатига қарши авж олдирилган шафқатсиз ва золимларча иқтисодий юклатма урушга ишора қилиб, деди: Эрон халқи нафақат эпидемияга қарши курашиш учун анъанавий халқаро ёрдамдан маҳрум бўлган, балки хорижий банклардаги бойликларидан ҳам фойдалана олмаган бир шароитда коронавирусга қарши курашга киришди..
Эрон Ислом Жумҳуриятининг Президенти таъкидлади: Бу қийин ва совуқ мавсум, бу катта эпидемия ва бир вақтнинг ўзида бир неча жабҳаларда кураш миллатимизнинг сабри, шижоат ва матонати туфайли Эрон тарихининг ёрқин ва улуғвор бобига айланди.
Руҳоний қўшимча қилди: Бугун миллат душманлари буюк Эрон халқи билан зӯравонлик, таҳдид ва санкциялар тилида гаплашиш мумкин эмаслигини тан олишди. Шу сабабли уч йиллик мағлубиятдан сўнг улар Эрон миллати билан конструктив ўзаро муносабатлар йўлига қайтишга мажбур.
Эрон Ислом Жумҳуриятининг Президенти қӯшимча қилди: "Халқаро сиёсат соҳасида биз қимматли сиёсий капитал тўпладик, унинг натижаси Бирлашган Миллатлар Ташкилотида, Хавфсизлик Кенгашида ва Гаага трибуналида кетма-кет ғалабаларимиз бўлди; Бугун биз дунё билан кенг, чуқур, стратегик муносабатларга эгамиз, душманларимиз эса бизга қарши позицияларида яккаланган ва ожиз ҳолатдалар.
Руҳоний, шунингдек, Эрон халқининг 1400-йилги президентлик сайловларида рағбат билан иштирок этишини таъкидлаб, деди: "Жозибали сайловларда максимал иштирок этиш Эрон халқининг ўн бешинчи асрнинг биринчи ўн йиллигидаги орзу-умидларини рўёбга чиқариш учун зарурий шарти бўлади. "
