Эрон президенти Ислом давлатлари раҳбарларини Қурбон ҳайити билан табриклади

Эрон Ислом Республикаси Президенти алоҳида мактубларида ислом мамлакатлари раҳбарларини Қурбон ҳайити билан табриклади.

Эрон телерадиокомпаниясининг ўзбек тилидаги сайтининг хабар қилишича, Эрон Ислом Республикаси президенти Сейид Иброҳим Раиси чоршанба куни алоҳида мактублар орқали ислом мамлакатлари раҳбарларини Қурбон ҳайити келиши билан табриклади ва дунё мусулмонларининг кучайиб бораётган бирлиги ва ислом умматининг ғурури янада кенгайишига ҳамда барча мусулмон халқлар ислом динининг қимматли таьлимотлари соясида шараф ва камолот йўлидан боришлари ва бу динни халқаро майдонда муносиб равишда тарғиб қила олишларига умид билдирди.

Эрон Ислом Республикаси Президенти шундай деди:Қурбон ҳайити энг сидқидилдан ибодат ва Аллоҳ таолонинг амрларига бўлган эьтиборнинг намоён бўлиши бўлиб, бу кунда Иброҳим алайҳиссаломни Раббимиз ҳузурида фидойилик ва ўздан кечиш сардори деб аталган ва ғурур билан илоҳий синовдан чиққан.

Бугун (пайшанба), ҳижрий 1444 йил Зулҳижжа ойининг 10-куни 2023 йил 29 июнга тўғри келади, "Ийд Саид Қурбон" ёки "Ийд Азҳа" мусулмонларнинг улуғ байрамларидан биридир.

Қурбон ҳайитида Аллоҳ таолонинг уйини зиёрат қилиш учун борган ҳожилар Аллоҳ таолонинг амрига кўра ва Унинг ризолиги учун қурбонлик қиладилар, Аллоҳ таолонинг буюк пайғамбари Ҳазрати Иброҳим (а.с.) хотираларини омон сақлайдилар, қадрлайдилар.