Волейбол бўйича жаҳон чемпионатида эронлик ўсмирлар иккинчи ўринни эгаллади
Эроннинг волейбол бўйича ўсмирлар терма жамоаси 2023 йилги жаҳон чемпионатида иккинчи ўринни эгаллади.
Аргентинанинг Сан-Хуан шаҳрида 11-август, чоршанба куни (2-август) бошланган волейбол бўйича 19 ёшгача бўлган ўсмирлар ўртасидаги 18-жаҳон чемпионати бугун шанба куни эрталаб якунланди.
Эрон телерадиокомпаниясининг ўзбек тилидаги сайтининг хабар қилишича, финал ўйинига қадар ушбу мусобақаларда кетма-кет етти марта ғалаба қозонган Эрон ўсмирлар волейбол терма жамоаси Теҳрон вақти билан эрталаб соат 2:30да Франсия билан тўқнаш келди ва ўйинчиларнинг уринишларига қарамай, бу жамоага мағлуб бўлиб, Жаҳон чемпионатининг иккинчи совриндори бўлди.
Бу ўйинда Эрон ёшлар терма жамоаси рақибига 3:1 ҳисобида имкониятни бой бериб, учинчи бор иккинчи ўринни қўлга киритди.
Ўсмирлар ўртасидаги жаҳон чемпионатининг рейтинг учрашувида Жанубий Корея ва Америка терма жамоалари ўзаро тўқнаш келди ва Осиё вакили 3:1 ҳисобида ғалаба қозониб, бронза медали ва учинчи ўринни қўлга киритди.
