Амир Абдуллоҳиён: Ислом давлатлари сионистик режимга нефть экспорт қилишни бас қилиши керак
Эрон ташқи ишлар вазири таъкидлади:Сионист режим билан дипломатик алоқага эга бўлган баъзи исломий давлатлар зудлик билан алоқаларини узиб, сионистик режим элчиларини ўз мамлакатларидан чиқариб юборишлари ва бу режимга ҳар қандай нефть экспортини тўхтатишлари керак.
Эрон Ташқи ишлар вазири Амир Абдуллоҳиён Ислом ҳамкорлик ташкилоти Ижроия қўмитасининг навбатдан ташқари йиғилиши чоғида шундай деди: Ислом ҳамкорлик ташкилоти Бош котиби ва унда иштирок этаётган бошқа ислом давлатларининг ташқи ишлар вазирлари билан маслаҳатлашувлар бугунги конференцияда ҳали ҳам давом этмоқда.
Эрон телерадиокомпаниясининг ўзбек тилидаги сайтининг хабар қилишича, Ҳусайн Амирабдуллоҳиён бу музокараларда сионистик режимнинг Ғазодаги жинояти юзасидан қатъий баёнот беришга урғу берилганлигини таъкидлади ва қўшимча қилди:Бу баёнот сионистик режимнинг Ғазо халқига қарши геноцид уруш жиноятларини зудлик билан тўхтатишга урғу бериш ҳамда Ғазо халқининг ғайриинсоний блокадасини бекор қилиш муҳокамасини ўз ичига олиши керак.
Эрон Ташқи ишлар вазири сионистик режимнинг геноцидларига, жумладан, яқинда Ғазо секторидаги касалхонани портлатишда уюштирган ҳужумларига қарши амалий чоралар кўриш зарурлигига ишора қилди:Амалий ҳаракат ционистик режим билан дипломатик алоқага эга бўлган исломий мамлакатларнинг ўша сохта режим билан алоқаларини зудлик билан узиб, сионистик режим элчиларини ўз мамлакатларидан чиқариб юбориши ва бу режимга ҳар қандай нефть экспортини тўхтатишини англатади.
Амир Абдуллоҳиён деди:Шунингдек, исломий давлат ва сохта сионистик режим ўртасидаги ҳар қандай лойиҳа дарҳол тўхтатилиши керак.
Ташқи ишлар вазири таъкидлади:Биз сионистик режимнинг Ғазо халқига қарши уруш жиноятларини тўхтатиш учун зудлик билан ўт очишни тўхтатишга келишиб олдик, шунингдек, ушбу конференцияда иштирок этаётган тингловчилар билан сионистик режим жиноятлари учун маҳкама ўтказиш ҳақида маслаҳатлашдик.
Ташқи ишлар вазири таъкидлади:Умид қиламизки, бугун Жиддада ҳозир бўлган исломий давлатлар ташқи ишлар вазирлари сионистик режимнинг Ғазо халқига қарши жиноятларини тўхтатиш учун қатъий қарор қабул қиладилар ва бу болаларни ўлдириувчи режимнинг жиноятларига зудлик билан чек қўйилишини кўрамиз.
Эрон Ташқи ишлар вазири шунингдек, Жиддада бўлиб ўтаётган Ислом ҳамкорлик ташкилоти Ижроия қўмитасининг навбатдан ташқари йиғилиши чоғида сионистик режимга сиёсий ва иқтисодий санксия қўллаш ва сионистик режимнинг раҳбарларини муҳокамага тортишга чақирди
