Қирғизистон парламенти раиси истеъфога чиқишини эълон қилди
октябр 25, 2017 17:39 Asia/Tashkent
Қирғизистон парламенти спикери Чинибай Турсунбеков ўз ихтиёри билан истеъфога чиқишини эълон қилди
Қирғизистон парламенти спикери Чинибай Турсунбеков ўз ихтиёри билан истеъфога чиқишини эълон қилди. Бу ҳақда Форс ахборот агентлиги Бишкекдан хабар берди.
«Бир ярим йил давомида ишончни оқлашга ҳаракат қилдим. Кимгадир менинг позициям ёқиши мумкин, кимгадир эса йўқ. Менинг бутун фаолиятим қонунийлик тамойилларига асосланган эди», — деди у қонун чиқарувчи орган мажлисида.
Турсунбековнинг сўзларига кўра, у истеъфо тўғрисидаги қарорни «президент сайловида кўтарилиб кетган ҳароратни пасайтириш» учун қабул қилган.
Парламент депутатлари спикернинг истеъфоси масаласи бўйича овоз берганича йўқ.