Тожикистонда Хитойнинг ҳеч қандай экспансияси йўқлиги таъкидланди

Бу ҳақда Тожикистон президенти ҳузуридаги Стратегик тадқиқотлар маркази директори биринчи ўринбосари Сайфулло Сафаров махсус брифингда маълум қилди.

Кун.уз сайтига кўра,  «Тожикистонда Хитойнинг ҳеч қандай экспансияси йўқ, бизда – стратегик ҳамкорлик, биз дўстмиз ва бундан кейин ҳам шундай бўлиб қолади», - дея унинг сўзларидан иқтибос келтиради «Sputnik Тожикистон».

Унинг таъкидлашича, Тожикистон Россия, Хитой ва АҚШ билан яхши муносабатда бўлиб, ташқи сиёсатни мувозанат сақлаб турибди.

Сафаровнинг қайд этишича, тоғ-кон саноати, айниқса, қимматбаҳо металларни қазиб олишда баъзи ён босишларсиз ривожланишга эришиб бўлмайди.

«Биз Россия, Қозоғистон ва Францияга тоғ-кон саноатини ўзлаштириш таклифи билан чиқдик, бироқ фақат Хитой билан келишувга эришилди», - дея айтиб ўтди у.