Қозоғистонда теракт уюштиришни режалаштирган банда қўлга олинди

Қозоғистон хавфсизлик кучлари томонидан одам гавжум жойларда террорчилик ҳужумларини уюштиришга тайёргарлик кўришда гумон қилинган беш киши қўлга олинди.

Спутник сайтига кўра, гумон қилинувчилар 27 январь куни Қозоғистоннинг  Караганда ва Тараз шаҳрида қўлга  олинган ва уларга нисбатан қамоққа олиш тарзидаги эҳтиёт чораси қўлланган.

Қайд этилишича, барча қўлга олинганлар оғир ва ўта оғир жиноятларни содир этганлик учун муқаддам судланган.

“Тергов версияси кўра, гуруҳ республика ҳудудида, жумладан, одам гавжум жойларида террорчилик актларини содир этиш мақсадида тузилган”,  - дейилган хабарда.

Ҳозирда мамлакат Жиноят кодексининг тегишли моддалари билан жиноят иши қўзғатилиб, суриштирув ишлари олиб борилмоқда.

• Қозоғистонда қанотида Хитой иероглифлари ёзилган каптарлар пайдо бўлмоқда