Қозоғистонда хавфсизлик институтлари тузилиши ўзгартирилмоқда

Қозоғистон президенти январ ойидаги намойишларга ўхшаш ҳодисаларнинг олдини олиш учун давлат ва хавфсизлик институтларини қайта қуришга чақирмоқда.

"Хавфсизлик учун масъул бўлган барча тузилмалар фаолиятини такомиллаштириш, улар ўртасидаги ҳамкорлик ва мувофиқлаштиришни имкон қадар ошириш керак", деди Қозоғистон президенти Қосим-Жомарт Тўқаев Миллий хавфсизлик кенгаши йиғилишида.

Қозоғистон президенти ва Хавфсизлик кенгаши раиси, шунингдек, хавфсизлик ва разведка билан боғлиқ барча институтларни кенгайтириш ва мустаҳкамлаш учун зарур чоралар кўришни буюрди.

Аввалроқ Қозоғистон Сенати мамлакатнинг биринчи президенти, Хавфсизлик Кенгаши ва Халқ Ассамблеяси раҳбари Нурсултон Назарбоевнинг умрбод президентлик ваколатини бекор қилувчи тузатишни қабул қилган эди.

Жорий йил бошида суюлтирилган газ нархининг икки баравар ошиши Қозоғистон халқининг норозилигига сабаб бўлиб, аста-секин зўравонлик ва талончиликка айланиб кетди. Ниҳоят, Қозоғистон Президентининг илтимосига кўра Коллектив Хавфсизлик Шартномаси Ташкилоти (КХШТ) қўшинларининг келиши билан мамлакатда тинчлик ўрнатилди.