Мирзиёев "Газпром нефть" компанияси бошқаруви раисини қабул қилди

Шавкат Мирзиёев Россиянинг "Газпром нефть" компанияси бошқаруви раиси Александр Дюковни қабул қилди.

Эслатиб ўтамиз, Александр Дюков "Ўзбекистон нефть ва гази" халқаро форуми доирасида Тошкентда бўлиб турибди.

Спутник сайтининг Ўзбекистон президенти матбуот хизматига тяниб хабар қилишича, кчрашувда Россиянинг ёқилғи-энергетика соҳасидаги етакчи компанияси билан ўзаро манфаатли ҳамкорликни кенгайтириш масалалари муҳокама қилинди.

Нефть маҳсулотларини етказиб бериш, қазиб олиниши қийин бўлган конларни ўзлаштириш ва соҳани рақамлаштириш борасидаги шерикликни ривожлантириш имкониятлари кўриб чиқилди.

Эслатиб ўтамиз, Ўзбекистон энергетика ҳафталиги 13-15 май кунлари бўлиб ўтади. У бир қатор йирик тадбирларни ўз ичига олган. Кўргазмада 34 та давлат, жумладан, Россия ва Ўзбекистондан 465 та компания иштирок этмоқда. Россиядан 28 та компания, жумладан, “Росатом”, “Газпром”, “Северосталь”, “Татнефть” ва бошқалар иштирок этмоқда.