Ана холос! Бош ҳакам Роналдуни майдондан четлатиши керак эди, аммо...

Жаҳон чемпионати гуруҳ босқичи учинчи тур доирасида бўлиб ўтган Эрон ҳамда Португалия ўртасидаги ўйин анча муросасиз кечди.

Қолаверса, мазкур ўйинда баҳсли ҳолатлар ҳам кузатилди.

Ана шундай ҳолатлардан бири Роналду билан боғлиқ бўлди. Португалияликлар етакчиси вазиятлардан бирида Эрон футболчисини тирсаги билан туртиб юборди, бош ҳакам эса дастлаб парво қилмади, аммо кейин видеотакрор тизимидан фойдалангач, Роналдуга сариқ карточка кўрсатди. Бироқ маълумотларга кўра, видеоассистент Энрике Касересга Криштиануга қизил карточка кўрсатиш кераклигини айтган. Аммо бош ҳакам бунга журъат эта олмаган ва сариқ карточка билан кифояланган.