Америкада яна бир қуролсиз қора танли ўлдирилди (видео)

Нью-Жерси штатининг Бош прокурори Америкада ирқчиликка қарши эътирозлар авж олган пайтда, полициячилар томонидан ўлдирилган яна бир қора танли эркакнинг видеотасвирини нашр этди.

Нью-Жерси Бош прокуратурасининг маълум қилишича, 28 ёшли қора танли фуқаро Морис Гордон йўл ҳаракати қоидасини бўзгани учун полиция ходими Рандалл Ватсел томонидан тўхтатилган ва қатл этилган. Нью-Жерси Бош прокуратурасининг хабарига кўра, Ватсел суд мажлисида у биринчи бўлиб қалампир пуркач билан Гордонни тўхтатишга ўринганини айтди, аммо унинг қаршилик кўрсатиши улар ўртасида жисмоний низоларга олиб келди. Натижада у Гордонга қарата олти марта ўқ узган.