Шаҳид Муҳсин Фахризода Теҳроннинг Имомзода Солеҳ қабристонида дафн этилди (видео)

Эрон Пресс: Қуролли кучларнинг юқори мартабали қомондонлари ва шаҳиднинг оила аъзолари иштирокида намоз иқомаси бажо келтирилганидан сўнг шаҳид Муҳсин Фахризоданинг пок жасади Теҳроннинг Имомзода Солеҳ қабристонида дафн этилди.

Эрон Пресс хабарига кўра, соғлиқни сақлаш кўрсатмаларига риоя қилиш ва одамларнинг ҳаддан ташқари тўпланиши олдини олиш мақсадида, Эрон Мудофаа вазирлиги тадқиқот ва инновациялар ташкилотининг раиси ва таниқли ядрошунос олим Муҳсин Фахризодани дафн этиш маросими  Қуролли кучлар қомондонлари ва шаҳиднинг оила аъзоларининг иштирокида ўтказилди.

Шунингдек, шаҳид Муҳсин Фахризоданинг жасади якшанба куни эрталаб шаҳид Ҳожимийнажод халқаро аэропорти орқали тавоф қилиш учун Имом Ризо (а) ҳарамига олиб келинди.  Ушбу юқори мартабали шаҳиднинг жасади Имом Ризо (а) ҳарами хизматкорлари томонидан тавоф этилди.  Кейин шаҳиднинг жасади Қумга етказилди ва Ҳазрати Маъсума (а)  ҳарамида тавоф этилганидан сўнг тақлид маржаларидан бўлмиш Оятуллоҳ Ҳусейн Нурий Ҳамадоний намоз иқомасини бажо келтирди. 

Шаҳид Муҳсин Фахризоданинг жасади якшанба куни кечқурун Теҳронга олиб келинди ва Имом Хумайний (р.а) муттаҳар ҳарамида Оятуллоҳ Сайид Ҳасан Хумайний  ҳузури билан тавоф этилди.