БМТ Толибонни Афғонистон фуқаролари хавфсизлигини таъминлашга чақирмоқда

БМТнинг Афғонистондаги тинч аҳоли аҳволи бўйича махсус вакили тинч аҳолига ҳужумлар давом этаётган бир пайтда Толибон ҳукуматини ўз фуқароларини ҳимоя қилишга чақирди.

БМТнинг инсон ҳуқуқлари бўйича махсус маърузачиси Ричард Беннетт Тwиттеръдаги саҳифасида Афғон фуқароларининг ҳуқуқлари ҳимоя қилиниши кераклигини таъкидлаб, ёзди: "Ўтган ҳафтадаги даҳшатли ҳужумларда ўз яқинларини йўқотган барча афғонлар билан биргамиз."

Ўтган сешанба куни Кобулнинг ғарбидаги Ҳазара ҳудуди ушбу ҳудуддаги мактабларда кетма-кет учта портлаш содир бўлган. Портлаш оқибатида ўнлаб одамлар, жумладан бир неча талабалар ҳалок бўлди ёки яраланди. Пайшанба куни Кобул, Балх, Қундуз ва Нангарҳорда қатор портлашлар содир бўлди. Энг қонли портлаш Мозори Шарифдаги шиа масжидида содир бўлди. ИШИД террорчилик гуруҳи ўз зиммасига олган ҳужумда 120 дан ортиқ киши ҳалок бўлди ва яраланди. Кеча, жума куни Қундуз вилояти Имом Соҳиб шаҳридаги Румий Секандар масжидида намоз вақтида портлаш содир бўлиб, 33 нафар тинч аҳоли, жумладан, болалар ҳалок бўлди, 43 нафари яраланди.

Бирлашган Миллатлар Ташкилоти Толибон ҳукуматини халқаро ҳамжамиятнинг мамлакатдаги вазиятдан хавотирлари, шунингдек, афғон халқининг, хусусан, ИШИД террорчилик ҳужумлари давом этишидан қўрқишлари контекстида Афғонистон фуқаролари хавфсизлигини таъминлашга чақиради.

Сўнгги ҳафталарда Афғонистонда терактлар кучайганлиги сабабли, бу мамлакат аҳолиси Толибон ҳукуматининг барча афғонлар хавфсизлигини таъминлаш бўйича ўз бурчини адо этишдаги бепарволиги қурбонига айланиб бораётганидан хавотир бор.

Охирги бир ҳафта ичида Афғонистоннинг турли ҳудудларида бешдан ортиқ теракт ва портлашлар содир этилган бўлиб, бу фожиали ва ҳалокатли воқеаларнинг ҳар бирида ўнлаб инсонлар ҳалок бўлган.

Афғонистонда давом этаётган ишончсизлик халқ орасида ваҳима уйғотиб, мамлакатдаги нормал ҳаётни издан чиқариш билан бирга, халқ ҳаётини ҳам хавф остига қўяди деган хавотирлар бор.

Бундай шароитда Афғонистон ичидаги ва ташқарисидаги Толибон ҳукумати ўзининг хавфсизлик режаларини қайта кўриб чиқиши, мавжуд таҳдидларга қарши курашишнинг самарали механизмини топиши, ИШИД террорчилик гуруҳининг ушбу мамлакатдаги ҳалокатли ва ғайриинсоний ҳужумларининг аламли занжирини кесиб ташлаши кутилмоқда.

Хусусан, ИШИД нишонга олган террор ҳужумларининг катта қисми афғон шиаларига қарши бўлиб, бу мамлакатда динлараро бўлинишларга олиб келиши мумкин.

Минтақавий масалалар бўйича эксперт Баҳром Заҳидий шундай дейди:

ИШИДнинг Афғонистондаги мақсадларидан бири афғон жамиятида, хусусан, шиа ва суннийлар ўртасида шу пайтгача муваффақияцизликка учраган келишмовчиликни юзага келтиришдир. Масалан, Қандаҳордаги шиа масжидида ИШИД содир этган жиноят шиалар ва суннийлар ўртасида пессимизм яратиш мақсадида қилинган. Яхшиямки, вазият бутунлай тескари бўлиб, Қандаҳор суннийларининг шиаларга қон топшириш учун узоқ навбатга келиши Афғонистондаги биродарлик муҳити ва мусулмонлар бирлиги мустаҳкамланганидан далолат беради.

Кўриниб турибдики, ҳозирги вазиятда Толибон ҳукумати афғон халқи хавфсизлигини таъминлашга содиқлик даъвосини исботлаш ва  заиф бошқарувда айбланмаслик учун ИШИДнинг Афғонистондаги ҳужумларини камайтириш ва тўхтатиш учун қўлидан келганча ҳаракат қилади.

Ўзбекистон Рамазон муносабати билан Афғонистонга гуманитар ёрдамлар юборди