Инқилоб муаззам раҳбари Ислом умматини бирлаштириш зарурлигига урғу бердилар

Ислом инқилоби муаззам раҳбари Раби-ул-аввал ойининг 17-кунига тўғри келган Ислом пайғамбари Муҳаммад (с.а.в.) ва Имом Содиқ (а.с.) таваллудларининг йиллиги муносабати билан кеча (жума) бир гуруҳ ҳукумат вакиллари ва ваҳдат конференсиясида иштирок этаётган хорижлик меҳмонлари билан учрашувда ислом умматининг ўз ролини ўйнаши ва янги қудрат мувозанатларида ўз ўрнини топиш учун энг муҳим эҳтиёжи бирлик ва уйғунлик деб билдилар.

Ҳазрат Оятуллоҳ Хоманаий ислом оламининг донишмандлари ва маърифатпарвар ёшлари бу муҳимликни англаш йўлидаги жуда муҳим мавқеига ишора қилиб, шундай дедилар: “Ислом бирлиги” ва янги дунёда таъсир ўтказувчан бўлиш амалий саъй-ҳаракат ва қийинчилик ва тазйиқларга қарши туриш шарти билан мумкин ва амалга ошиши мумкин, бу эса зўравон кучлар олдида таслим бўлмаган ва тик турган Ислом Жумҳурияти тузумининг ёрқин намунасидир.  Энди эса  у қудратли дарахтга айланди, уни “кесиш”ни тасаввур қилиш ҳам мумкин эмас.

Ислом инқилоби муаззам раҳбарининг бу баёнотлари глобал такаббурликнинг ҳар томонлама ҳужуми остида қолган бугунги жамиятларда мусулмонларнинг муваффақияти ва юксак мавқеи исломий бирдамлик ва ҳамжиҳатликка эътибор қаратишга боғлиқлигига ишора қилади.

Эрон Ислом Жумҳурияти Ислом инқилоби ғалабасидан сўнг зўравон кучлар нишонига айланган давлатлардан биридир. Аммо бирлик ва ҳамжиҳатлик соясида рўёбга чиққан бу инқилобнинг ғалабаси дунёда исломий моделни кўтарди, мусулмонлар ва дунёдаги мустамлакачилик остидаги халқларга глобал золимликка таянмасдан ҳам буюк давлат бўлиш мумкинлигини кўрсатди. Бу модел ҳам Эроннинг душманларнинг энг қаттиқ сиёсий, иқтисодий ва ҳатто ҳарбий тазйиқларига қарамай тараққиёт йўлида давом этганини исботлади. Шак-шубҳасиз, халқ ва исломий тузумнинг бирлиги ва қаршилигисиз бунинг иложи бўлмас эди.

Муаззам Раҳбар, шунингдек, биргаликдаги ҳаракатнинг муҳим жиҳати дунёдаги сиёсий мувозанатларни ўзгартириш борасида умумий фикрга эришиш эканини таъкидладилар ва шундай дедилар:Дунёнинг сиёсий харитаси ўзгармоқда ва бир қутбли тизим рад этиш томон кетмоқда ва глобал зўравонлик ҳукмронлиги ўтмишдагидан кўра ҳар куни ўз қонунийлигини йўқотмоқда. Шундай экан, янги дунё шаклланмоқда ва жуда муҳим савол шуки, бу янги дунёда Ислом олами ва Ислом умматининг мавқеи қаерда?

Кўп йиллар давомида инқилоб раҳбари ўз баёнот ва хабарларида уламолар, зиёлилар, сиёсий етакчилар ва ислом уммати аъзоларига исломий умматни шакллантириш зарурати ҳақида маслаҳатлар бериб, доимо таъкидлаб келаётган энг асосий ва муҳим масалалардан бири бўлиб, Ислом оламида ислом жамиятлари ва давлатларининг бирлигидир. Бу муҳимроқдир, чунки халқаро тузум шароитлари ўзгармоқда ва Эрон Ислом инқилоби ва унинг мусулмонлар ўртасида ва ҳукмрон жамиятларда исломий уйғониш ва қаршилик маданиятининг тарқалишига катта таъсири каби ўзгаришлар глобал зўравонликни янада заифлаштиради ва у дунёда бир қутбли тизимдан кўп қутбли тизимга ўтиш жараёнини таъминлайди.

Очиғи, мусулмон халқларнинг тараққиёт ва ғалаба омилларидан бири ҳамжиҳатлик ва бирликдир. Шу сабабли душманлар исломий жамиятларда бўлиниш яратиш ва мусулмонлар бирлигига тўсқинлик қилиш орқали ўз мустамлакачилик мақсадларига эришишга ҳаракат қиладилар. Айни пайтда дунёда улкан табиий бойликларга эга бўлган бир ярим миллиарддан ортиқ мусулмонлар ҳамжиҳатликни сақлаб, душманларга қаршилик кўрсатишда ва уларга қарши туришда давом этиб, янги ислом сивилизацияси сари ҳаракат қилишлари мумкин.

Ҳазрати Оятуллоҳ Хоманаий ҳам “Мусулмонлар сўзини бирлаштириб, ўзгариб бораётган дунёда юксак мавқега эга бўлиш мумкинми?” деган саволни ҳам кўтариб, шундай дедилар: Ҳа, исломий халқлар ўртасида бирлик бўлиши мумкин, лекин бунинг учун саъй-ҳаракат лозим ва босим ва машаққатларга қарши туриш керак.