Урганчдан Римга илк бор тўғридан-тўғри рейслар йўлга қўйилди
-
Урганчдан Римга
“Ўзбекистон ҳаво йўллари” МАК томонидан илк бор Урганчдан Рим (Италия)га тўғридан-тўғри мунтазам рейслар йўлга қўйилди.
Кун.уз сайтига кўра, шу муносабат билан Италия пойтахтидаги Леонардо да Винчи номидаги халқаро аэропортда ушбу давлатдаги “Ўзбекистон ҳаво йўллари”нинг ваколатхонаси, мамлакат элчихонаси ҳамда аэропорт маъмурияти томонидан тантанали очилиш маросими ўтказилди, деб ёзмоқда “Халқ сўзи”.
“TTG Italia” ва “Trasporti-Italia” каби таниқли нашрларда ушбу тадбир ҳақида чоп этилган мақолаларда янги рейслар Ўзбекистонга максимал қулайлик билан ташриф буюришни хоҳловчилар учун эканлиги таъкидланди.
Жадвал бўйича самолёт ҳар сешанба куни Римдан соат 20:45да ҳавога кўтарилса, кейинги кун тонгида соат 05:45да Урганчга қўнади. Ортга амалга ошириладиган рейс Тошкентдан соат 15:20да йўлга чиқиб, маҳаллий вақт бўйича соат 07:15да Римга етиб келади.
