Ўзбекистонда яна зилзила юз берди
октябр 04, 2018 10:25 Asia/Tashkent
Ўзбекистон Республикаси Фавқулодда вазиятлар вазирлиги Сейсмопрогностик мониторинг Республика марказининг маълумотига кўра, 2018 йил 3 октябрь куни Тошкент вақти билан соат 22:44да Ўзбекистон Республикаси ҳудудида ер силкиниши қайд этилди.
Зилзила эпицентри Тошкент шаҳридан 389 км узоқликда жанубий йўналишда Ўзбекистон Республикаси ҳудудида қайд этилди (38,71 Н, 66,09 Э).
Зилзила магнитудаси М=3,6.Зилзила чуқурлиги Н=30 км.
Зилзила кучи Қарши шаҳрида -3 баллни ташкил этган.
Республиканинг бошқа ҳудудларида зилзила қайд этилмади. Талофатлар ва жабрланганлар тўғрисида маълумотлар келиб тушмаган.
Эслатиб ўтамиз, 29 сентябрь куни ҳам Ўзбекистон ҳудудида ер силкиниши кузатилган.
Ёрлиқ
